ମହାରାଷ୍ଟ୍ର ନବନିର୍ମାଣ ସେନା ମୁଖ୍ୟ ରାଜ ଠାକରେ ରବିବାର ଦିନ ମୁମ୍ବାଇରେ ଠାକରେ ମାତୋଶ୍ରୀକୁ ଯାଇ ତାଙ୍କ ଦାଦାପୁଅ ଭାଇ ତଥା ଶିବସେନା (UBT) ନେତା ଉଦ୍ଧବ ଠାକରେଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି । ନିକଟରେ ଏକ ମିଳିତ ରାଲି କରିବା ପରେ, ଠାକରେ ଭାଇମାନେ ପୁଣି ଥରେ ସାକ୍ଷାତ କରିଛନ୍ତି। ରାଜ ଠାକରେ ବହୁ ବର୍ଷ ପରେ ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବାସଭବନକୁ ତାଙ୍କ ଜନ୍ମଦିନରେ ଶୁଭେଚ୍ଛା ଜଣାଇବାକୁ ଯାଇଥିଲେ। ତାଙ୍କ ସହିତ ତାଙ୍କ ପତ୍ନୀ ଶର୍ମିଳା ଠାକରେ ମଧ୍ୟ ଉପସ୍ଥିତ ଥିଲେ।

ରାଜ ଠାକରେଙ୍କ ସହ ବରିଷ୍ଠ MNS ନେତା ବାଲା ନନ୍ଦଗାଓଁକର ଓ ନୀତିନ ସରଦେଶାଇ ମଧ୍ୟ ଯାଇଥିଲେ। ମାତୋଶ୍ରୀ ଭିତରେ ରାଜ ଓ ଉଦ୍ଧବ ଶିବସେନା ପ୍ରତିଷ୍ଠାତା ବାଲାସାହେବ ଠାକରେଙ୍କ ଏକ ଫଟୋ ପାଖରେ ଛିଡ଼ା ହୋଇ ଫଟୋ ଉଠାଇଥିଲେ। MNS ମୁଖ୍ୟ ମଧ୍ୟ ବାଲାସାହେବ ଥାକରେଙ୍କ ଚେୟାରରେ ଶ୍ରଦ୍ଧାଞ୍ଜଳି ଦେଇଥିଲେ । ମାତୋଶ୍ରୀରେ ହୋଇଥିବା ଏହି ସାକ୍ଷାତ ଦୁଇ ଭାଇଙ୍କ ମଧ୍ୟରେ ପୂର୍ବରୁ ଥିବା ମନୋମାଳିନ୍ୟ କମ୍ କରିବାରେ ସହାୟକ ହେବ ।

ରାଜ ଠାକରେ ୨୦୧୨ରେ ବାଲାସାହେବ ଠାକରେଙ୍କ ଶେଷ ଦିନମାନଙ୍କରେ ମାତୋଶ୍ରୀକୁ ଯାଇଥିଲେ। ତେବେ ୨୦୧୯ ଜାନୁଆରୀରେ ସେ ତାଙ୍କ ପୁତ୍ର ଅମିତ ଠାକରେଙ୍କ ବିବାହ ପାଇଁ ଉଦ୍ଧବ ଓ ତାଙ୍କ ପରିବାରକୁ ନିମନ୍ତ୍ରଣ କରିବା ପାଇଁ ଅଳ୍ପ ସମୟ ଯାଇଥିଲେ । 

Powered by Froala Editor