ମୁମ୍ବାଇ : ବିଶ୍ୱର ଚତୁର୍ଥ ଓ ଭାରତର ସବୁଠାରୁ ବଡ଼ ଧନୀ ହେଉଛନ୍ତି ମୁକେଶ ଅମ୍ବାନୀ । ତେବେ ତାଙ୍କ ପିଲାମାନେ ସ୍କୁଲରେ ପଢୁଥିବାବେଳେ ମା’ ନୀତା ଅମ୍ବାନୀ କେତେ ପକେଟ ମନି ଦେଉଥିଲେ ତାହା ବୋଧହୁଏ କାହାକୁ ଜଣାନଥିବ । କିନ୍ତୁ ନିକଟରେ ନୀତା ଏକ ସାକ୍ଷାତକାରରେ ଏନେଇ ସୂଚନା ଦେଇଛନ୍ତି । ଯାହାକି ଆପଣଙ୍କୁ ନିଶ୍ଚିତ ଭାବେ ଚକିତ ଦେବେ । ଲକ୍ଷ ଲକ୍ଷ କୋଟିର ମାଲିକ ହେଉଛନ୍ତି ଅମ୍ବାନୀ ପରିବାର । ତାଙ୍କ ପିଲାମାନେ ବଡ଼ ସ୍କୁଲରେ ପଢ଼ନ୍ତି । ତେଣୁ ପକେଟ ମନି ବାବଦରେ ନୀତା ନିଶ୍ଚିତ ସେମାନଙ୍କ ପିଲାମାନଙ୍କୁ ହଜାରେ ଟଙ୍କାରୁ କମ ଦେଉନଥିବେ ବୋଲି ଆମର ଧାରଣା ରହିବା ସ୍ୱାଭାବିକ । କିନ୍ତୁ ସତ କଥାଟି ସେଇଆ ନୁହେଁ । ଈଶା, ଆକାଶ ଓ ଅନନ୍ତ ଯେତେବେଳେ ସ୍କୁଲ ଯାଉଥିଲେ ସେ ତାଙ୍କୁ ମାତ୍ର ୫ ଟଙ୍କା ହିଁ ଦେଉଥିଲେ । ଏହା ସହ ନୀତା ଆଉ ଏକ ମଜାଦାର କଥାବି କହିଛନ୍ତି । ଦିନେ ତାଙ୍କ ଛୋଟ ପୁଅ ଅନନ୍ତ ସ୍କୁଲ ଯିବା ପୂର୍ବରୁ ତାଙ୍କ ପାଖକୁ ଦୌଡ଼ି ଦୌଡ଼ି ଆସିଲା । କହିଲା, ମା’ ୫ଟଙ୍କା ବଦଳରେ ୧୦ ଟଙ୍କା ଦିଅ । ସେ ଯେତେବେଳେ ସ୍କୁଲରେ ୫ ଟଙ୍କିଆ କଏନ ଦେଖାଉଛନ୍ତି ତାର ସାଙ୍ଗମାନେ ତାକୁ ତୁ ଅମ୍ବାନୀ ନା ଭିକାରୀ ବୋଲି କହୁଛନ୍ତି । ଏକଥା ଶୁଣି ଉଭୟ ନୀତା ଓ ମୁକେଶ ବି ହସିହସି ଗଡ଼ି ଯାଇଥିଲେ ।