ଉତ୍ତରପ୍ରଦେଶର ଗୋଣ୍ଡାରେ ଥିବା ଦଳୀୟ କାର୍ଯ୍ୟାଳୟରେ ବିଜେପି ଜିଲ୍ଲା ସଭାପତିଙ୍କ ଆପତ୍ତିଜନକ ଭିଡିଓ ଭାଇରାଲ ହେବା ପରେ ବୁଲନ୍ଦସହରରୁ ପୁଣି ଏମିତି ଏକ ଘଟଣାର ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି। ଭିଡିଓରେ, ଭାରତୀୟ ଜନତା ପାର୍ଟିର ଅନୁସୂଚିତ ଜାତି ମୋର୍ଚ୍ଚାର ଜିଲା ମନ୍ତ୍ରୀ ରାହୁଲ ବାଲ୍ମିକି ଜଣେ ବିବାହିତ ମହିଳାଙ୍କ ସହ ଆପତ୍ତିଜନକ ଅବସ୍ଥାରେ ଦେଖାଯାଇଛନ୍ତି। ଏହି ଘଟଣା ଶିକାରପୁର କୋତୱାଲି ଅଞ୍ଚଳର କୈଲାଭନ ଗାଁରେ ଅବସ୍ଥିତ ଶ୍ମଶାନ ନିକଟରେ ଘଟିଥିବା କୁହାଯାଉଛି।

୩୪ ସେକେଣ୍ଡର ଭିଡିଓରେ ବିଜେପି ନେତା ରାହୁଲ ବାଲ୍ମିକୀ ଶ୍ମଶାନ ନିକଟରେ ଏକ କାର ଭିତରେ ମହିଳାଙ୍କ ସହିତ ଆପତ୍ତିଜନକ ଅବସ୍ଥାରେ ଦେଖିବା ପରେ ବିଭିନ୍ନ ମହଲରେ ଘଟଣାକୁ ନେଇ ତୀବ୍ର ନିନ୍ଦା ଓ ସମାଲୋଚନା କରାଯାଉଛି। କିଛି ଲୋକ ଶ୍ମଶାନ ନିକଟର ଜଣେ ମହିଳାଙ୍କ ସହିତ ଆପତ୍ତିଜନକ ଅବସ୍ଥାରେ ଥିବାର ସୂଚନା ପାଇ ଘଟଣାସ୍ଥଳରେ ପହଞ୍ଚି କାବୁ କରିଥିଲେ। ଏହି ସମୟରେ ବିଜେପି ନେତା ଲୋକଙ୍କ ଗୋଡ଼ ଧରି ହାତ ଯୋଡ଼ି ନିବେଦନ କରି କହିଥିଲେ, ଭାଇ, ଦୟାକରି ମୋତେ କ୍ଷମା କରନ୍ତୁ। ଆଗକୁ ଏପରି ଭୁଲ ଆଉ ହେବ ନାହିଁ।’

ରାହୁଲ ବାଲ୍ମିକିଙ୍କ ବାପା ଦାବି କରିଛନ୍ତି ଯେ ଏହି ଭିଡିଓଟି ୫-୬ ମାସ ପୁରୁଣା ଏବଂ ଏହାକୁ ରାଜନୈତିକ ଷଡ଼ଯନ୍ତ୍ରର ଅଂଶ ଭାବରେ ଭାଇରାଲ କରାଯାଇଛି। ଏହି ସମୟରେ, ବୁଲନ୍ଦସହର ଏସପି (ଗ୍ରାମୀଣ) ଡକ୍ଟର ତେଜବୀର ସିଂହ କହିଛନ୍ତି ଯେ ଭାଇରାଲ ଭିଡିଓର ତଦନ୍ତ କରାଯାଉଛି।

Powered by Froala Editor