ରବିବାର ସକାଳେ କେଦାରନାଥ ନିକଟରେ ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ହେଲିକପ୍ଟରଟି କେଦାରନାଥର ଗୌରୀକୁଣ୍ଡ ଜଙ୍ଗଲରେ ଦୁର୍ଘଟଣାର ଶିକାର ହୋଇଛି। ଏଥିରେ ୫ ଯାତ୍ରୀ ଓ ୨ ପାଇଲଟଙ୍କୁ ମିଶାଇ ମୋଟ ୭ ଜଣ ଥିଲେ। ସମସ୍ତ ଯାତ୍ରୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। NDRF ଏବଂ SDRF ଦଳକୁ ଘଟଣାସ୍ଥଳକୁ ପଠାଯାଇଛି।

ସୂଚନା ଅନୁଯାୟୀ, ରବିବାର ସକାଳେ ଆର୍ଯ୍ୟାନ କମ୍ପାନୀର ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଘଟଣାଟି ସକାଳ ପ୍ରାୟ ୫ଟା ୩୦ରେ ଘଟିଥିବା କୁହାଯାଉଛି। ହେଲିକପ୍ଟର ଦୁର୍ଘଟଣାର କାରଣ ଖରାପ ପାଗ ବୋଲି କୁହାଯାଉଛି। ହେଲିକପ୍ଟର ନୋଡାଲ ଅଧିକାରୀ ରାହୁଲ ଚୌବେ ଏବଂ ଜିଲା ବିପର୍ଯ୍ୟୟ ପରିଚାଳନା ଅଧିକାରୀ ନନ୍ଦନ ସିଂହ ରାଜୱାର ହେଲିକପ୍ଟର ଦୁର୍ଘଟଣା ନିଶ୍ଚିତ କରିଛନ୍ତି। ଗୌରୀକୁଣ୍ଡ ଉପରେ ଘାସ କାଟୁଥିବା ନେପାଳୀ ବଂଶୋଦ୍ଭବ ମହିଳାମାନେ ହେଲିକପ୍ଟର ଦୁର୍ଘଟଣା ସମ୍ପର୍କରେ ସୂଚନା ଦେଇଛନ୍ତି।

ଦୁର୍ଘଟଣାରେ ଜଣେ ଦମ୍ପତି ଏବଂ ସେମାନଙ୍କର ୨୩ ମାସର ଶିଶୁ ମଧ୍ୟ ଏଥିରେ ଅନ୍ତର୍ଭୁକ୍ତ, ଜୟସୱାଲ ପରିବାର ମହାରାଷ୍ଟ୍ରର ବୋଲି ଜଣାପଡିଛି। ଦୁଇ ଜଣ ସ୍ଥାନୀୟ ଲୋକ, ବିନୋଦ ନେଗି ଏବଂ ବିକ୍ରମ ସିଂହ ରାୱତ। ବିକ୍ରମ ସିଂହ ରାୱତ BKTCର ଜଣେ କର୍ମଚାରୀ ଥିଲେ। ମୃତକଙ୍କ ମଧ୍ୟରେ ରାଜକୁମାର ଜୟସୱାଲ, ଶ୍ରଦ୍ଧା ଜୟସୱାଲ, କାଶୀ ଜୟସୱାଲ, ଟୁଷ୍ଟି ସିଂହ, ବିନୋଦ, ବିକ୍ରମ ସିଂହ ଏବଂ କ୍ୟାପ୍ଟେନ ରାଜୀବ ଅଛନ୍ତି। ସ୍ଥାନୀୟ ପୁଲିସ ଏବଂ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ପାଇଁ ଉଦ୍ୟମ ଆରମ୍ଭ ହୋଇଛି।

Powered by Froala Editor