ଶୟନ କକ୍ଷ ଏପରି ଏକ ସ୍ଥାନ ଯେଉଁଠାରେ ଜଣେ ବ୍ୟକ୍ତି ଦିନସାରାର ଥକ୍କା ଦୂର କରିଥାଏ। ଅନେକ ସମୟରେ ଦେଖାଯାଏ ଯେ ଅଭାବ ଅସୁବିଧାରେ ଥାଇ ମଧ୍ୟ ବିବାହିତ ଜୀବନ ଭଲ ଭାବରେ ଚାଲିଥାଏ। କିନ୍ତୁ ଅନେକ ଘର ଏମିତି ଅଛି, ଯେଉଁଠାରେ ସବୁ ଆରାମ ଓ ସୁବିଧା ଥାଇ ମଧ୍ୟ ଛୋଟଛୋଟ କଥା ଉପରେ ପତି-ପତ୍ନୀ ମଧ୍ୟରେ କଳହ ଲାଗି ରହିଥାଏ। ତେଣୁ ସେମାନଙ୍କର ଶୟନ କକ୍ଷ ବାସ୍ତୁଶାସ୍ତ୍ର ଅନୁସାରେ ହେବା ଅତ୍ୟନ୍ତ ଜରୁରୀ।

ଶୋଇବା ଘର ପାଇଁ କ’ଣ ଠିକ୍ ଏବଂ ଭୁଲ୍

– ସ୍ୱାମୀ-ସ୍ତ୍ରୀ ସଂପର୍କରେ ସୁଦୃଢ ଏବଂ ପ୍ରେମ ବଜାୟ ରଖିବା ପାଇଁ, ବେଡ୍ କୁ କଦାପି ବିମ୍ ତଳେ ରଖାଯିବା ଉଚିତ୍ ନୁହେଁ। ବିମ୍ ପୃଥକତାର ପ୍ରତୀକ, ଯାହା ସମ୍ପର୍କରେ ଦୂରତା ବଢାଇଥାଏ। ଯଦି ଏହା କରିବା ସମ୍ଭବ ନୁହେଁ, ତେବେ ବିମ୍ ତଳେ ଏକ ବଂଶୀ କିମ୍ବା ୱିଣ୍ଡ ଚାଇମ୍ ଟାଙ୍ଗିବା ଉଚିତ୍। ଏହା ବାସ୍ତୁ ଦୋଷ ଦୂର କରେ।

-ବାସ୍ତୁଙ୍କ ଅନୁଯାୟୀ, ଶୋଇବା ଘରେ ଏକ ଦର୍ପଣ ରହିବା ଉଚିତ୍ ନୁହେଁ। ଯଦି ଏହା ଥାଏ, ତେବେ ଶୋଇବା ସମୟରେ ଏହାକୁ ଘୋଡାଇ ରଖନ୍ତୁ।

-ବାସ୍ତୁ ଦୋଷ ଉତ୍ପାନ୍ନ ନ ହୁଏ, ସେଥିପାଇଁ ଶୟନ କକ୍ଷରେ ଥିବା ଆଲୋକ ଅତ୍ୟନ୍ତ ଉଜ୍ବଳ ହେବା ଉଚିତ୍ ନୁହେଁ। ବେଡ୍ ଉପରେ ସିଧାସଳଖ ଆଲୋକ ପଡିବା ଉଚିତ୍ ନୁହେଁ। ଆଲୋକ ସବୁବେଳେ ପଛ କିମ୍ବା ବାମ ପାର୍ଶ୍ୱରୁ ଆସିବା ଉଚିତ୍।

– ଶୋଇବା ଘରର କବାଟ ପାଖରେ ବେଡ ରହିବା ଉଚିତ୍ ନୁହେଁ। ଏପରି ହେଲେ ମନରେ ଅଶାନ୍ତି ଏବଂ ଚିନ୍ତା ବଢିଥାଏ।

– ଯଦି ଶୌଚାଳୟ ଶୋଇବା ଘର ସହ ରହିଥାଏ, ତେବେ ତାହାର ଦ୍ୱାର ସର୍ବଦା ବନ୍ଦ ରଖିବାକୁ ଚେଷ୍ଟା କରନ୍ତୁ। ନଚେତ୍ ଏହାର ନକାରାତ୍ମକ ଶକ୍ତି ଆପଣଙ୍କ ଜୀବନକୁ ବଗାଡି ପାରେ। କଦାପି ଅଜାଣତରେ ଜଙ୍କ୍ କିମ୍ବା ଅଳିଆ ପରି ଜିନିଷକୁ ଖଟ ତଳେ ରଖନ୍ତୁ ନାହିଁ।

– କାନ୍ଥଗୁଡ଼ିକ କଦାପ ଧଳା କିମ୍ବା ନାଲି ରଙ୍ଗର ହେବା ଉଚିତ୍ ନୁହେଁ। ଗାଢ ରଙ୍ଗ ଅପେକ୍ଷା ହାଲୁକା ରଙ୍ଗ ଶୟନ କକ୍ଷ ପାଇଁ ଭଲ। ସବୁଜ, ଗୋଲାପୀ କିମ୍ବା ଆକାଶ ରଙ୍ଗ ଏକ ଭଲ ପ୍ରଭାବ ପକାଇଥାଏ। କୋଠରୀରେ ସକରାତ୍ମକ ଶକ୍ତି ସୃଷ୍ଟି କରେ। ପରସ୍ପର ମଧ୍ୟରେ ମତଭେଦକୁ କମ କରିବା ପାଇଁ ଆପଣ ଏହି ରଙ୍ଗର ପରଦା ଏବଂ ବେଡସିଟ୍ ମଧ୍ୟ ବ୍ୟବହାର କରିପାରିବେ।

– ଅପରାଧ, ନିର୍ୟାତନା, ବିଶୃଙ୍ଖଳା ଆଦିକୁ ଦର୍ଶାଉ ଥିବା କୌଣସି ଫଟୋ ଶୟନ କକ୍ଷରେ ରଖନ୍ତୁ ନାହିଁ। ଦମ୍ପତିଙ୍କ ବିବାହର ଫଟୋ ରଖିବା ଦ୍ବାରା ପରସ୍ପର ମଧ୍ୟରେ ପ୍ରେମ ବଢାଇଥାଏ।

– ଅତିଥି ଏବଂ ବନ୍ଧୁମାନଙ୍କୁ ଗେଷ୍ଟ ହାଉସରେ କିମ୍ବା ଡ୍ରଇଂ ରୁମରେ ବସାନ୍ତୁ। ସମସ୍ତଙ୍କୁ ଆପଣଙ୍କ ଶୋଇବା ଘରକୁ ଅଣାଯିବା ଉଚିତ୍ ନୁହେଁ। ବାସ୍ତୁଶାସ୍ତ୍ର ଅନୁଯାୟୀ ଏହା ଦ୍ବାରା ନକରାତ୍ମକ ଶକ୍ତି ସୃଷ୍ଟି ହୋଇଥାଏ। ସ୍ବାମୀ-ସ୍ତ୍ରୀ ସମ୍ପର୍କରେ ଦୂରତା ଆସିଥାଏ।

-ପରସ୍ପର ମଧ୍ୟରେ ପ୍ରେମ ଏବଂ ଶୟନ କକ୍ଷର ସୌନ୍ଦର୍ୟ୍ୟ ବୃଦ୍ଧି ପାଇଁ ମନି ପ୍ଲାଣ୍ଟ ମଧ୍ୟ ଲଗାଇପାରିବେ। ମନି ପ୍ଲାଣ୍ଟ ଶୁକ୍ରର କାରଣ। ମନି ପ୍ଲାଣ୍ଟ ରଖିବା ଦ୍ବାରା ସ୍ୱାମୀ-ସ୍ତ୍ରୀଙ୍କ ସମ୍ପର୍କରେ ଉନ୍ନତି ହୁଏ।

–ବାସ୍ତୁ ଅନୁଯାୟୀ, ସର୍ବଦା ଦକ୍ଷିଣ କିମ୍ବା ପୂର୍ବ ଦିଗକୁ ମୁଣ୍ଡ କରି ଶୋଇବା ଉଚିତ୍। ଯାହାଫଳରେ ପୃଥିବୀର ଚୁମ୍ବକୀୟ ଗୁଣ ଯୋଗୁଁ ଆପଣ ଦୀର୍ଘାୟୁ ଏବଂ ଗଭୀର ନିଦ ପାଇପାରିବେ। ଆରାମଦାୟକ ଏବଂ ପୂର୍ଣ୍ଣ ନିଦ ବିବାହିତ ଜୀବନକୁ ଅଧିକ ଆନନ୍ଦଦାୟକ କରିଥାଏ।

-ଶୋଇବା ଘରେ ପ୍ରବାହିତ ଜଳ (ପ୍ରବାହିତ ନଦୀ କିମ୍ବା ଜଳପ୍ରପାତ), ବରଫ ପର୍ବତ କିମ୍ବା ଆକ୍ୱାରିୟମ କେବେବି ରଖନ୍ତୁ ନାହିଁ। ଏହା ନିଜ ମଧ୍ୟରେ ତିକ୍ତତାକୁ ବୃଦ୍ଧି କରାଇଥାଏ।

Powered by Froala Editor