କ୍ରିକେଟର ରିଙ୍କୁ ସିଂହଙ୍କର ଲକ୍ଷ୍ନୌର ସେଣ୍ଟ୍ରମ ହୋଟେଲରେ ନିର୍ବନ୍ଧ ହେଉଛି। ସେ ସମାଜବାଦୀ ପାର୍ଟି ସାଂସଦ ପ୍ରିୟା ସରୋଜଙ୍କୁ ବିବାହ କରିବାକୁ ଯାଉଛନ୍ତି । କ୍ରିକେଟ ଏବଂ ରାଜନୀତି ଦୁନିଆର ଅନେକ ମୁଖ୍ୟ ଅତିଥି ଏହି ସମାରୋହରେ ଯୋଗ ଦେଇଛନ୍ତି। ବର୍ତ୍ତମାନ ଏମାନଙ୍କର ପ୍ରଥମ ଭିଡିଓ ଏବଂ ଫଟୋ ସାମ୍ନାକୁ ଆସିଛି। ଯେଉଁଥିରେ ସେମାନେ ବହୁତ ଖୁସି ହେବାର ନଜର ଆସିଛନ୍ତି।

ରିଙ୍କୁ ମୁଦି ପିନ୍ଧାଇବା ପରେ ପ୍ରିୟା ଭାବୁକ ହୋଇଯିବା ସହ କାନ୍ଦି ପକାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଉଭୟଙ୍କ ରିଙ୍ଗ ସେରିମନିରେ ସାମଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଏବଂ ତାଙ୍କ ପତ୍ନୀ ଡିମ୍ପଲ ଯାଦବ ସାମିଲ ହୋଇଥିଲେ । ଅନ୍ୟମାନଙ୍କ ମଧ୍ୟରେ ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଳା ଏବଂ ଜୟା ବଚ୍ଚନ ଉପସ୍ଥିତ ରହି ଉଭୟଙ୍କୁ ଆଶୀର୍ବାଦ ଦେଇଥିଲେ । ସେହିପରି ଟିମ ଇଣ୍ଡିଆର ପୂର୍ବତନ ଖେଳାଳି ପ୍ରବୀଣ କୁମାର, ପିୟୂଷ ଚାଓ୍ବଲା ଏବଂ ୟୁପି ରଣଜୀ ଟିମର ଅଧିନାୟକ ଆର୍ଯନ ଜୁୟାଲ ମଧ୍ୟ ସାମିଲ ହୋଇଥିଲେ ।

ରିଙ୍କୁ ସିଂହ ଏବଂ ପ୍ରିୟା ସରୋଜଙ୍କ ନିର୍ବନ୍ଧର ସ୍ପେଶାଲ ମେନ୍ୟୁ ମଧ୍ୟ ସାମ୍ନାକୁ ଆସିଛି। ମେନ୍ୟୁରେ ବେଙ୍ଗଲୀ ରସଗୁଲା, କାଜୁ ପନୀର ରୋଲ, ପନୀର ଟିକ୍କା ଏବଂ ମଟର ମଲ୍ଲାଇ ସାମିଲ ହୋଇଥିଲା । 

ରିଙ୍ଗ ସେରିମନିରେ ରିଙ୍କୁ ହ୍ବାଇଟ୍ ଶେରଓ୍ବାନୀ ପିନ୍ଧିଥିବା ବେଳେ ପ୍ରିୟା ଏକ ଗୋଲାପୀ ଡ୍ରେସରେ ବ୍ୟୁଟି ଦିଶୁଥିଲେ । ରିଙ୍ଗ ସେରିମନି ପାଇଁ ଉଭୟ ଷ୍ଟେଜକୁ ଯିବା ପରେ ପ୍ରିୟା ଭାବୁକ ହୋଇଯାଇ କାନ୍ଦିବାକୁ ଲାଗିଥିଲେ । ଏହି ସମୟରେ ରିଙ୍କୁ ତାଙ୍କୁ ସମ୍ଭାଳି ଥିଲେ । 

Powered by Froala Editor