କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଆଙ୍କେଲ ଅଞ୍ଚଳରେ ରହୁଥିବା ଜଣେ ୨୮ ବର୍ଷୀୟ ଯୁବକ ନିଜ ପତ୍ନୀକୁ ନିର୍ମମ ଭାବରେ ହତ୍ୟା କରି କଟା ମୁଣ୍ଡ ସହିତ ପୋଲିସ ଷ୍ଟେସନରେ ପହଞ୍ଚି ଆତ୍ମସମର୍ପଣ କରିଛି। 

ଅଭିଯୁକ୍ତ ହେନାଗାରା ନିକଟବର୍ତ୍ତୀ କଚନାକକାନାହାଲ୍ଲିର ବାସିନ୍ଦା ଶଙ୍କର (୨୮) ଏବଂ ପୀଡିତା ତାଙ୍କ ସ୍ତ୍ରୀ ମନସା (୨୬) ହେଉଛନ୍ତି ହେବାଗୋଡିର ବାସିନ୍ଦା। ମନସା ଏବଂ ଶଙ୍କର ପ୍ରେମ ବିବାହ କରିଥିଲେ। ମାସେ ହେବ ହିଲାଲିଗେ ଗାଁରେ ଏକ ଭଡା ଘରେ ରହୁଥିଲେ।

ପୋଲିସ କହିଛି ଯେ ଶଙ୍କର ଏବଂ ମନସା କିଛି ସମୟ ପୂର୍ବରୁ ହିଲାଲିଗେ ଗାଁରେ ଏକ ଭଡା ଘରେ ରହିବାକୁ ଆସିଥିଲେ। ଶଙ୍କର ନିକଟସ୍ଥ ଏକ ସ୍ଥାନରେ କାମ କରୁଥିଲେ। ୩ ଜୁନ ରାତିରେ ସେ କାମକୁ ଯାଇ ମନସାଙ୍କୁ କହିଥିଲେ ଯେ ସେ ସକାଳ ସୁଦ୍ଧା ଆସିବେ। କିନ୍ତୁ, ସେହି ଦିନ ସେ ଶୀଘ୍ର କାମ ସାରି ବିଳମ୍ବିତ ରାତିରେ ଘରକୁ ଫେରିଥିଲେ, ତା'ପରେ ସେ ମନସାଙ୍କୁ ଅନ୍ୟ ଜଣେ ପୁରୁଷ ସହିତ ପାଇଲେ।

ଏହି କଥାକୁ ନେଇ ଉଭୟଙ୍କ ମଧ୍ୟରେ ଏକ ବଡ଼ ଝଗଡ଼ା ହୋଇଥିଲା ଏବଂ ମନସା ସେହି ମୁହୂର୍ତ୍ତରେ ଘରୁ ପଳାଇଯାଇଥିଲା। ଏହା ପରେ ମନସା ବାରମ୍ବାର ଘରକୁ ଆସୁଥିଲା ଏବଂ ଶଙ୍କର ସହ ଝଗଡା କରୁଥିଲା। ହତ୍ୟାକାଣ୍ଡ ରାତିରେ ମଧ୍ୟ ମନସା ଘରକୁ ଫେରି ଶଙ୍କର ସହ ପ୍ରବଳ ଝଗଡା କରିଥିଲା, ଯାହା ଫଳରେ ଶଙ୍କର କ୍ରୋଧରେ ମନସାର ମୁଣ୍ଡ କାଟିଦେଇଥିଲା । 

Powered by Froala Editor