ଭୁଶୁଡ଼ିଲା ପୁରୁଣା ଛାତ; ୩ ଶ୍ରମିକ ଗୁରୁତର
ଭୁବନେଶ୍ବର ସ୍ଥିତ ପୋଖରୀଫୁଟ ଲିଙ୍ଗରାଜ ବିହାରରେ ଅଭାବନୀୟ ଘଟଣା ଘଟିଛି । ଏକ ପୁରୁଣା କୋଠାର ଛାତ ଭାଙ୍ଗିବା ବେଳେ ହଠାତ୍ ପିଲର ଭୁଶୁଡ଼ି ପଡିଥିଲା । ଫଳରେ କାର୍ଯ୍ୟରତ ଥିବା 3 ଜଣ ଶ୍ରମିକ ଚାପି ହୋଇଯାଇଥିଲେ । ଖବର ପାଇ ଅଗ୍ନିଶମ କର୍ମଚାରୀ ଓ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।
ସୂଚନା ଅନୁସାରେ ଏୟାରଫିଲ୍ଡ ଥାନା ଅନ୍ତର୍ଗତ ପୋଖରୀପୁଟ ଲିଙ୍ଗରାଜ ବିବହାରରେ ଏକ ପୁରୁଣା ଘରର ଛାତ ଭଙ୍ଗା ଯାଉଥିଲା। ଘର ମାଲିକ ଏହି କାମ ପାଇଁ ଶ୍ରମିକମାନଙ୍କୁ ଲଗାଇଥିଲେ। କିନ୍ତୁ ପୁରୁଣା ଘରର ଛାତ ଭାଙ୍ଗିବା ବେଳେ ହଠାତ୍ ଅଘଟଣ ଘଟିଥିଲା। ଛାତ ଭୁଶୁଡ଼ିବାରୁ ୩ ଜଣ ଶ୍ରମିକ ଚାପି ହୋଇଯାଇଥିଲେ। ଏନେଇ ପୁଲିସ ଓ ଅଗ୍ନିଶମ ବାହିନୀକୁ ସୂଚନା ଦିଆଯାଇଥିଲା। ଶ୍ରମିକମାନଙ୍କର ଅବସ୍ଥା ସଂକଟାପନ୍ନ ଥିବା କୁହାଯାଉଛି।
ତେବେ ଶ୍ରମିକମାନେ ବାହନଗାରୁ ଆସି ଭୁବନେଶ୍ବରରେ କାର୍ଯ୍ୟ କରୁଥିବା ସୂଚନା ରହିଛି । କିନ୍ତୁ ବର୍ତ୍ତମାନ ସୁଦ୍ଧା ପରିଚୟ ସ୍ପଷ୍ଟ ହୋଇପାରି ନାହିଁ ।
Powered by Froala Editor
