ମଧ୍ୟପ୍ରଦେଶର ଇନ୍ଦୋରରୁ ହନିମୁନ୍ ପାଇଁ ସିଲଂ ବୁଲିବାକୁ ଯାଇଥିବା ଜଣେ ବ୍ୟବସାୟୀ ଏବଂ ତାଙ୍କ ପତ୍ନୀ ନିଖୋଜ ହୋଇଯାଇଛନ୍ତି। ନିଖୋଜ ବ୍ୟବସାୟୀ ଜଣକଙ୍କ ବିବାହକୁ ମାତ୍ର ୧୫ଦିନ ହୋଇଛି। ଇନ୍ଦୋରରୁ ରାଜା ରଘୁବଂଶୀ ଏବଂ ତାଙ୍କ ପତ୍ନୀ ସୋନମ ମେ ୨୩ ତାରିଖରେ ନୋଙ୍ଗରିଆଟର ଏକ ହୋମଷ୍ଟେରୁ ଚେକ୍ ଆଉଟ୍ କରିବା ପରେ ଗାଇଡ୍ ବିନା ମାୱଲାଖାଇଟ୍ ଗାଁକୁ ଯାଇଥିଲେ । ସେବେଠାରୁ ସେମାନଙ୍କ କୌଣସି ସନ୍ଧାନ ମିଳିନାହିଁ ।

ସୂଚନା ଅନୁଯାୟୀ, ଇନ୍ଦୋରର ପରିବହନ ରାଜା ରଘୁବଂଶୀ ଏବଂ ସୋନମ ରଘୁବଂଶୀ ମଇ ୧୧ତାରିଖରେ ଇନ୍ଦୋରରେ ଧୁମଧାମରେ ବିବାହ କରିଥିଲେ। ବିବାହପରେ ଉଭୟ ଗୌହାଟିରେ କାମାକ୍ଷା ଦେବୀଙ୍କୁ ଦର୍ଶନ କରିବାକୁ ଯାଇଥିଲେ। ଦର୍ଶନ ସାରିବା ପରେ ରଘୁବଂଶୀ ଦମ୍ପତି ମଇ ୨୩ ତାରିଖରେ ମେଘାଳୟର ସିଲଂରେ ପହଞ୍ଚିଲେ।  ସିଲଂର ଏକ ସମ୍ବେଦନଶୀଳ ଅଞ୍ଚଳରୁ ଦମ୍ପତିଙ୍କ କାର ଉଦ୍ଧାର ହୋଇଥିବା ବେଳେ ରାଜା ଓ ସୋନମ କେଉଁଆଡେ ନିଖୋଜ ହୋଇଯାଇଥିବା ଜଣାପଡ଼ିଛି। ସିଲଂ ପୁଲିସ ସହିତ, ଇନ୍ଦୋର କ୍ରାଇମବ୍ରାଞ୍ଚ ଘଟଣାର ତଦନ୍ତ ଆରମ୍ଭ କରିଛନ୍ତି।

ପୋଲିସ ଅନୁଯାୟୀ, ସେମାନଙ୍କ ମୋବାଇଲର ଶେଷ ଲୋକେସନ୍ ମାୱଲାଖାଇଟ୍ ଗାଁରେ ଟ୍ରେସ୍ କରାଯାଇଥିଲା। ଏହା ପରେ ଯୋଗାଯୋଗ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଥିଲା। ଯେତେବେଳେ ସ୍ଥାନୀୟ ଲୋକମାନେ ମେ ୨୩ ତାରିଖରେ ସୋହରରିମ୍ ଗାଁରେ ଏକ ପରିତ୍ୟକ୍ତ ଦୁଇଚକିଆ ଗାଡ଼ି ପାଇଲେ, ସେମାନେ ତୁରନ୍ତ ପୋଲିସକୁ ଖବର ଦେଲେ । ତଦନ୍ତରୁ ଜଣାପଡିଲା ଯେ ଏହା ସେହି ସ୍କୁଟି ଥିଲା ଯାହାକୁ ଦମ୍ପତି ଭଡ଼ା ନେଇଥିଲେ ।

ଇନ୍ଦୋର ପୁଲିସ କମିଶନର ସନ୍ତୋଷ ସିଂହ ରଘୁବଂଶୀ ଦମ୍ପତି ନିଖୋଜ ହେବା ଘଟଣାକୁ ନେଇ କହିଛନ୍ତି, ‘ ମେଘାଳୟ ପୁଲିସ ସହିତ ଯୋଗାଯୋଗ କରାଯାଇଛି। ମୁଖ୍ୟମନ୍ତ୍ରୀଙ୍କୁ ମଧ୍ୟ ଏହି ସମ୍ପୂର୍ଣ୍ଣ ମାମଲା ବିଷୟରେ ସୂଚନା ଦିଆଯାଉଛି। ଦମ୍ପତିଙ୍କୁ ଖୋଜିବା ପାଇଁ ଘନ ଜଙ୍ଗଲରେ ଉଦ୍ଧାର କାର୍ଯ୍ୟକୁ ଜୋରଦାର କରାଯାଇଛି।

Powered by Froala Editor