ଆହତ ଯବାନଙ୍କୁ ଏୟାରଲିଫ୍ଟ କଲେ ଡିଜିପି
ଭୁବନେଶ୍ୱର: ବୌଦ୍ଧ-କନ୍ଧକାଳ ସୀମରେ ସୁରକ୍ଷାକର୍ମୀ-ମାଓବାଦୀଙ୍କ ମଧ୍ୟରେ ସଂଗଠିତ ଗୁଳିବିନିମୟରେ ୨ ଜଣ ଯବାନ ଗୁରୁତର ହୋଇଥିବାବେଳେ ସେମାନଙ୍କୁ ଡିଜିପି ଶ୍ରୀ ଅଭୟ ଏୟାରଲିଫ୍ଟ କରିଛନ୍ତି ।
ପ୍ରକାଶ ଯେ, ମାଓ ସଂଗଠନରେ କରୋନା ନିଜର ତାଣ୍ଡବ ରଚି ବହୁ ମାଓବାଦୀଙ୍କ ଜୀବନ ନେଇସାରିଥିଲେ ହେଁ ମାଓବାଦୀ ନିଜ ରାସ୍ତାରୁ ହଟିବାର ନାମ ନେଉନାହାନ୍ତି । ବନ୍ଧୁକ ଛାଡ଼ି ସେମାନେ ମୁଖ୍ୟସ୍ରୋତରେ ସାମିଲ ହେଉନାହାନ୍ତି । ଯାହାର ପରିମାଣ ସ୍ୱରୂପ ଆଜି ବୌଦ୍ଧ-କନ୍ଧକାଳ ସୀମରେ ସୁରକ୍ଷାକର୍ମୀ-ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ଉମା ଜଙ୍ଗଲରେ ସୁରକ୍ଷା କର୍ମୀଙ୍କ କମ୍ବିଂ ବେଳେ ଗୁଳି ବିନିମୟ ହୋଇଛି । ଘଣ୍ଟେ କି ଦୁଇ ଘଣ୍ଟା ନୁହେଁ ୮ଘଣ୍ଟାରୁ ଊଦ୍ଧ୍ୱର୍ ସମୟ ହେଲାଣି ଗୁଳି ବିନିମୟ ଚାଲିଛି । ସବୁଠାରୁ ବଡ଼ କଥା ହେଲା ମାଓବାଦୀଙ୍କ ଗୁଳିରେ ୨ ଯବାନ ଗୁରୁତର ଆହତ ହୋଇଥିବା ଜଣାଯାଇଛି ।
ତେବେ କୋରାପୁଟ ଗସ୍ତରେ ଥିବା ଡିଜିପି ଘଟଣାସ୍ଥୂଳରେ ପହଞ୍ଚିଥିଲେ । ନିଜ ହେଲିକେପ୍ଟରରେ ୨ ଯବାନଙ୍କୁ ଏୟାରଲିଫ୍ଟ କରିଛନ୍ତି । କିଛି ସମୟ ମଧ୍ୟରେ ଭୁବନେଶ୍ୱରରେ ସମ୍ପୃକ୍ତ ୨ ଆହତ ଯବାନ ପହଞ୍ଚିବେ ବୋଲି ଜଣାଯାଇଛି ।
Powered by Froala Editor
