ବାସ୍ତୁ ଶାସ୍ତ୍ର ଅନୁସାରେ ସ୍ନାନ କରିବା ଦ୍ୱାରା ଶରୀରରୁ କେବଳ ଅପରିଷ୍କାର ନୁହେଁ ବରଂ ନକରାତ୍ମକ ଶକ୍ତି ଦୂର ହୋଇଥାଏ । ଥକ୍କାପଣ ଓ ମାନସିକ ଦୁଃଶ୍ଚିନ୍ତା ଦୂର କରି ଶରୀରକୁ ଶକ୍ତି ପ୍ରଦାନ କରିଥାଏ । ତେବେ ସ୍ନାନ ଜଳରେ କିଛି ସ୍ୱତନ୍ତ୍ର ଜିନିଷ ମିଶାଇ ସ୍ନାନ କରିବା ଦ୍ୱାରା ଗ୍ରହଙ୍କ ଶୁଭ ପ୍ରଭାବ ସହ ଜୀବନରେ ଥିବା ସମସ୍ୟା ଦୂର ହୋଇଥାଏ । ଜାଣନ୍ତୁ..

ଦହି-  ବାସ୍ତୁ ଶାସ୍ତ୍ର ଅନୁସାରେ ଦହି କେବଳ ସ୍ୱାସ୍ଥ୍ୟ, ତ୍ୱଚା ପାଇଁ ଉପକାରୀ ନୁହେଁ ବରଂ ଏହା ନକରାତ୍ମକ ଶକ୍ତିକୁ ଦୂର କରିଥାଏ । ସ୍ନାନ ଜଳରେ ସାମାନ୍ୟ ଦହି ମିଶାଇ ସ୍ନାନ କଲେ ଚନ୍ଦ୍ରମାଙ୍କ ଶୁଭ ପ୍ରଭାବ ମିଳିଥାଏ । ମାନସିକ ଦୁଃଶ୍ଚିନ୍ତା ଦୂର କରିଥାଏ ।

ହଳଦୀ- ସ୍ନାନ ଜଳରେ ସାମାନ୍ୟ ହଳଦୀ ମିଶାଇ ସ୍ନାନ କରିବା ଦ୍ୱାରା ଜାତକରେ ବୃହସ୍ପତିଙ୍କ ଶୁଭ ପ୍ରଭାବ ପଡିଥାଏ । ବୃହସ୍ପତି ମଜଭୁତ ହୋଇଥାନ୍ତି । ଫଳରେ ଜୀବନରେ ଜ୍ଞାନ, ସମୃଦ୍ଧି, ସୁବର୍ଣ୍ଣ ସୁଯୋଗ ମିଳିଥାଏ ।

କଫି- ଅଧିକ କ୍ରୋଧ ଆସୁଥିଲେ ବାରମ୍ବାର ଚିଡ୍‌ଚିଡା ଲାଗୁଥିଲେ ମଙ୍ଗଳ ଗ୍ରହ ଦୁର୍ବଳ ଥିବାର ସଙ୍କେତ ଦେଇଥାଏ । ସ୍ନାନ ଜଳରେ ସାମାନ୍ୟ କଫି ମିଶାଇ ସ୍ନାନ କଲେ ମଙ୍ଗଳଙ୍କ ଶୁଭଫଳ ମିଳିଥାଏ । ବିଶେଷ କରି ଏହି ଉପାୟ ମଙ୍ଗଳବାର କରିବା ଦ୍ୱାରା ଅଧିକ ଶୁଭଫଳ ପ୍ରାପ୍ତି ହୋଇଥାଏ ।

ଲୁଣ- ସ୍ନାନ ଜଳରେ ସାମାନ୍ୟ ଲୁଣ ମିଶାଇ ସ୍ନାନ କଲେ ଜୀବନରେ ଥିବା ସମସ୍ତ ସମସ୍ୟା ଦୂର ହୋଇ କାର୍ଯ୍ୟରେ ସଫଳତା ମିଳିଥାଏ । ବିଶେଷ କରି ଶନିବାର ଏପରି କଲେ ଅଧିକ ଶୁଭଫଳ ମିଳିଥାଏ ।

କ୍ଷୀର- ସ୍ନାନ ଜଳରେ ସାମାନ୍ୟ କ୍ଷୀର ମିଶାଇ ସ୍ନାନ କଲେ ଶୁକ୍ର ଗ୍ରହ ଜାତକରେ ମଜଭୁତ ହୋଇଥାନ୍ତି । ଜୀବନରେ ପ୍ରେମ, ସଫଳତା ମିଳିବା ସହ ପରିବାରରେ ସୁଖଶାନ୍ତିର ବାତାବରଣ ସର୍ବଦା ରହିଥାଏ ।

Powered by Froala Editor