ଗର୍ଭପାତ ନକରିବାରୁ ପ୍ରେମିକାକୁ ପଥରରେ ଛେଚି ପ୍ରେମିକ କଲା ହତ୍ୟା
ମାଲକାନଗିରି: ଜଙ୍ଗଲରୁ ଯୁବତୀଙ୍କ ଗଳିତ ମୃତଦେହ ଉଦ୍ଧାର ଘଟଣାର ପର୍ଦ୍ଦାଫାଶ କରିଛି ମାଲକାନଗିରି ଥାନା ପୁଲିସ। ଗର୍ଭପାତ ନ କରିବାରୁ ପ୍ରେମିକାକୁ ପଥରରେ ଛେଚି ପ୍ରେମିକ ହତ୍ୟା କରିଥିଲା ଏବଂ ହତ୍ୟାକାଣ୍ଡ ଭିଆଇବା ମୃତଦେହକୁ ଜଙ୍ଗଲରେ ଫୋପାଡ଼ି ଦେଇ ଘଣଟାସ୍ଥଳରୁ ଫେରାର ହୋଇଯାଇଥିଲା ବୋଲି ମାଲକାନଗିରି ପୁଲିସ ସୂଚନା ଦେଇଛି।
ଅଭିଯୁକ୍ତ ପ୍ରେମିକ ଛତିଶଗଡ଼଼ ସିନ୍ଧିଗଡ଼଼ ଥାନା ପାଣ୍ଡୁମ ଗାଁର ହୋଇଥିବାବେଳେ ମୃତକ ଯୁବତୀ ଜଣକ ମର୍ତ୍ତୃଣ୍ଡା ଗାଁର ବୋଲି ତଦନ୍ତବେଳେ ପୁଲିସ ଜାଣିବାକୁ ପାଇଛି। ଉଭୟେ ବର୍ଷେ ହେବ ପ୍ରେମ ସମ୍ପର୍କରେ ଥିଲେ। ଯୁବତୀ ଗର୍ଭବତୀ ହେବା ପରେ ତାଙ୍କୁ ଗର୍ଭପାତ ପାଇଁ ପ୍ରେମିକ କହିଥିଲେ। କିନ୍ତୁ ପ୍ରେମିକା ରାଜି ନ ହେବାରୁ ସୀମାନ୍ତ ଚାଲାଣଗୁଡ଼ା ଗାଁ ନିକଟରେ ପ୍ରେମିକ ହତ୍ୟା କରିଥିଲା। ହତ୍ୟା ପରେ ରେଙ୍ଗାବନ୍ଧ ଜଙ୍ଗଲରେ ପ୍ରେମିକାଙ୍କ ମୃତଦେହକୁ ଫିଙ୍ଗିଥିଲା ଏବଂ ଘଟଣାସ୍ଥଳରୁ ଚମ୍ପଟ ମାରିଥିଲା ବୋଲି ମାଲକାନଗିରି ଥାନା ପୁଲିସ ପ୍ରକାଶ କରିଛି।
Powered by Froala Editor
