ଲକ୍ଷପତି ଦିଦି ସୃଷ୍ଟି କରିବାରେ ଓଡ଼ିଶା ପ୍ରଥମ
ଲକ୍ଷପତି ଦିଦି ସୃଷ୍ଟି କରିବାରେ ପ୍ରଥମ ସ୍ଥାନ ଅଧିକାର କରିଛି ଓଡ଼ିଶା । ଗ୍ରାମୀଣ ମହିଳାଙ୍କୁ ସଶକ୍ତ କରିବା ପାଇଁ ସରକାରଙ୍କ ଦ୍ୱାରା ଲକ୍ଷପତି ଦିଦି ଯୋଜନାର ପ୍ରଚଳନ କରାଯାଇଥିଲା । ବର୍ତ୍ତମାନ ସୁଦ୍ଧା ରାଜ୍ୟର ୧୪ ଲକ୍ଷରୁ ଅଧିକ ମହିଳା ଲକ୍ଷପତି ଦିଦି ପାଲଟିଛନ୍ତି । ଅନୁମୋଦିତ ଲକ୍ଷ୍ୟର ୮୨% ପୂରଣ କରି ଓଡ଼ିଶା ପ୍ରଥମ ସ୍ଥାନରେ ରହିଛି ।
ଏହି ଯୋଜନା ଦେଶବ୍ୟାପୀ ସବୁ ରାଜ୍ୟରେ ଲାଗୁ କରାଯାଇଛି । ପ୍ରତି ରାଜ୍ୟର ମହିଳାମାନଙ୍କୁ ସଶକ୍ତ କରି ସ୍ୱାବଲମ୍ବି କରିବା କେନ୍ଦ୍ର ସରକାରଙ୍କ ଉଦ୍ଦେଶ୍ୟ । କେନ୍ଦ୍ର ସରକାରଙ୍କ ପ୍ରମୁଖ କାର୍ଯ୍ୟକ୍ରମ ଲକ୍ଷପତି ଦିଦି ଯୋଜନା ଅଧୀନରେ ଓଡ଼ିଶା ଭାରତରେ ଶୀର୍ଷ ସ୍ଥାନ ହାସଲ କରିଛି। ଏପ୍ରିଲ ୧୩ ସୁଦ୍ଧା, ଓଡ଼ିଶା ୧୪,୪୧,୦୭୪ ଲକ୍ଷପତି ଦିଦି ସୃଷ୍ଟି କରିଛି, ଯାହା ଚିହ୍ନଟ ହୋଇଥିବା ଏହାର ୧୭.୫୯ ଲକ୍ଷ ସମ୍ଭାବ୍ୟ ଲକ୍ଷପତିଙ୍କ ମଧ୍ୟରୁ ୮୨ ପ୍ରତିଶତ ପୂରଣ କରିଛି ଏବଂ ଅନ୍ୟ ସମସ୍ତ ରାଜ୍ୟକୁ ପଛରେ ପକାଇଛି।
ଏହାପୂର୍ବରୁ ରାଜ୍ୟ ସରକାର ସୁଭଦ୍ରା ଯୋଜନା ଲାଗୁ କରିଛନ୍ତି । ଯେଉଁଥିରେ କୋଟି କୋଟି ମହିଳା ଉପକୃତ ହୋଇଛନ୍ତି ।
Powered by Froala Editor
