ଲକ୍ଷ୍ନୌ :  ଉତ୍ତର ପ୍ରଦେଶର ଔରୈୟା ଜିଲାରେ ବିବାହର ମାତ୍ର ୧୫ ଦିନ ପରେ ଜଣେ ୨୫ ବର୍ଷୀୟ ଯୁବକଙ୍କୁ ତାଙ୍କ ପତ୍ନୀ ଏବଂ ପ୍ରେମିକଙ୍କ ସୁପାରୀ କିଲର ଦ୍ବାରା ହତ୍ୟା କରାଯାଇଥିବା ଅଭିଯୋଗ ହୋଇଛି। ହତ୍ୟା ଅଭିଯୋଗରେ ମୃତକଙ୍କ ପତ୍ନୀ ଓ ତାଙ୍କ ପ୍ରେମିକ ସହ  ହତ୍ୟାକାରୀ ମୋଟ ତିନି ଜଣଙ୍କୁ ଔରୈୟା ପୁଲିସ ଗିରଫ କରିଥିବା ସୂଚନା ମିଳିଛି।

ସହର ଏସଏଚଓ ପଙ୍କଜ ମିଶ୍ର କହିଛନ୍ତି ଯେ ପୁଲିସ ମାର୍ଚ୍ଚ ୧୯ ତାରିଖରେ ଏକ କ୍ଷେତରେ ଆହତ ଅବସ୍ଥାରେ ପଡ଼ିଥିବା ଜଣେ ବ୍ୟକ୍ତିଙ୍କ ବିଷୟରେ ସୂଚନା ପାଇଥିଲା। ତାଙ୍କୁ ବିଧୁନାର ସାମୁଦାୟିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା ଏବଂ ତାଙ୍କ ପରିବାର ସଦସ୍ୟଙ୍କୁ ସୂଚନା ଦିଆଯାଇଥିଲା।

ପୀଡିତ ଦିଲୀପ ଯାଦବଙ୍କୁ ପରେ ସୈଫାଇ ହସ୍ପିଟାଲ ଏବଂ ପରେ ମଧ୍ୟପ୍ରଦେଶର ଗ୍ବାଲିୟର ଏବଂ ପରେ ଆଗ୍ରାକୁ ନିଆଯାଇଥିଲା। ତାଙ୍କ ଅବସ୍ଥା ଅଧିକ ଖରାପ ହେବାରୁ, ତାଙ୍କ ପରିବାର ତାଙ୍କୁ ମାର୍ଚ୍ଚ ୨୦ ତାରିଖରେ ଆଉରିଆର ଏକ ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ, ମାର୍ଚ୍ଚ ୨୧ ରାତିରେ ତାଙ୍କର ମୃତ୍ୟୁ ହୋଇଥିଲା।

ପୁଲିସ ହତ୍ୟା ମାମଲାରେ ସିସିଟିଭି ଫୁଟେଜ ଯାଞ୍ଚ କରୁଥିବା ସମୟରେ ସୁପାରି ଟଙ୍କାର କାରବାର ସମ୍ପର୍କରେ ସୂଚନା ପାଇଥିଲା ଏବଂ ଶନିବାର ହରପୁରା ନିକଟରେ ଚଢାଉ କରିଥିଲା। ସିସିଟିଭି କ୍ୟାମେରା ଫୁଟେଜ୍ ଆଧାରରେ ଅଭିଯୁକ୍ତ ୨୨ ବର୍ଷୀୟ ପ୍ରଗତି ଯାଦବ, ତାଙ୍କ ପ୍ରେମିକ ଅନୁରାଗ ଓରଫ ମନୋଜ ଏବଂ ସୁପାରୀ କିଲର ରାମଜୀ ଚୁଆଧାରୀଙ୍କୁ ଚିହ୍ନଟ କରାଯାଇ ସେମାନଙ୍କୁ ଗିରଫ କରାଯାଇଛି ବୋଲି ପୁଲିସ କହିଛି। ଅଭିଯୁକ୍ତଙ୍କଠାରୁ ପିସ୍ତଲ, ବାଇକ୍ ଏବଂ ଅନ୍ୟାନ୍ୟ ଜିନିଷପତ୍ର ଜବତ କରାଯାଇଛି।

ପଚରାଉଚରା ସମୟରେ ପ୍ରଗତି କହିଥିଲେ ଯେ ପ୍ରେମ ସମ୍ପର୍କ ବିଷୟରେ ଜାଣିବା ପରେ, ତାଙ୍କ ପରିବାର ତାଙ୍କ ବଡ଼ ଭଉଣୀଙ୍କ ଦିଅର ଦିଲୀପଙ୍କ ସହିତ ତାଙ୍କର ବିବାହ କରାଇ ଦେଇଥିଲେ। ପ୍ରଗତି, ଅନୁରାଗ ଏବଂ ସୁପାରୀ କିଲର ହ୍ୱାଟ୍ସଆପ୍ କଲରେ କଥାବାର୍ତ୍ତା ହୋଇଥିଲେ। ଦିଲୀପ କାମ କରୁଥିବା ଲୋକେସନ ପଚାରି ତାଙ୍କ ପ୍ରେମିକଙ୍କୁ କହିଥିଲେ। ଏହା ପରେ ପ୍ରେମିକ ଅନୁରାଗ ଏବଂ ସୁପାରୀ କିଲର ସେଠାରେ ପହଞ୍ଚିଥିଲେ ଏବଂ ଦିଲୀପଙ୍କୁ ଗୁଳି କରିଥିଲେ। ଦିଲୀପ ଗୁରୁତର ହୋଇସେଠାରେ ଚେତାଶୂନ୍ୟ ହୋଇପଡ଼ିଯାଇଥିଲୋ। ଦିଲୀପର ମୃତ୍ୟୁ ହୋଇଗଲା ଭାବି ସେମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ।

ପୁଲିସ ଅଧୀକ୍ଷକ (ଔରୈୟା) ଅଭିଜିତ ଆର ଶଙ୍କର କହିଛନ୍ତି ଯେ ପ୍ରଗତି ଯାଦବ ଏବଂ ଅନୁରାଗ ଦିଲୀପ ଯାଦବଙ୍କୁ ହତ୍ୟା କରିବା ପାଇଁ ଏକ ଷଡ଼ଯନ୍ତ୍ର ରଚିଥିଲେ। ସେମାନେ ଚୌଧୁରୀଙ୍କୁ ହତ୍ୟା କରିବା ପାଇଁ ସୁପାରି କିଲରକୁ ୨ ଲକ୍ଷ ଟଙ୍କା ଦେଇଥିଲେ।  ସିସିଟିଭି ଫୁଟେଜ ଆଧାରରେ ସମସ୍ତ ୩ ଅଭିଯୁକ୍ତକୁ ଗିରଫ କରାଯାଇଛି ଏବଂ ତଦନ୍ତ ଜାରି ରହିଛି।

Powered by Froala Editor