ନକଲି ସବ-ଇନସ୍ପେକ୍ଟରଙ୍କୁ ଗିରଫ କଲା ପୁଲିସ
ଭୁବନେଶ୍ୱର: ସହିଦନଗର ପୁଲିସ ପକ୍ଷରୁ ନକଲି ସବ-ଇନସ୍ପେକ୍ଟରଙ୍କୁ ଗିରଫ କରାଯାଇଛି। ଏହାସହିତ ଅଭିଯୁକ୍ତଠାରୁ ନକଲି ପରିଚୟପତ୍ର ଏବଂ ନଗଦ ଟଙ୍କା ଜବତ କରିଛି। ଏ ସଂକ୍ରାନ୍ତରେ ଏକ ମାମଲା ରୁଜୁ ସହ ତଦନ୍ତ ଜାରି ରହିଛି ବୋଲି ସହିଦ ନଗର ପୁଲିସ ସୂଚନା ଦେଇଛି।
ରାଜଧାନୀରେ ଜଣେ ନକଲି ସବ-ଇନସ୍ପେକ୍ଟର ବୁଲୁଥିବା ଖବର ପୁଲିସ ପାଖରେ ପହଞ୍ଚିଥିଲା। ୟୁନିଫର୍ମ ସହ ନକଲି ପରିଚୟପତ୍ର ତିଆରି କରି ନିଜକୁ ଜଣେ ସବ-ଇନସ୍ପେକ୍ଟର ବୋଲି ଅନ୍ୟମାନଙ୍କୁ ପରିଚୟ ଦେଉଥିଲା। ଏପରିକି କିଛି ଲୋକଙ୍କଠାରୁ ସବ-ଇନସ୍ପେକ୍ଟର ପୋଷାକ ପରିଧାନ କରି ଠକେଇ କରିଥିବା ମଧ୍ୟ ଅଭିଯୋଗ ଆସିଥିଲା।
ଖବର ପାଇବା ପରେ ସହିଦନଗର ପୁଲିସ ଏକ ସ୍ୱତନ୍ତ୍ର ସ୍କ୍ୱାଡ୍ ଗଠନ କରି ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଥିଲା। ଶେଷରେ ରାଜଧାନୀରେ ନକଲି ସବ-ଇନସ୍ପେକ୍ଟରଙ୍କୁ ଧରିବାରେ ସହିଦ ନଗର ପୁଲିସ ସଫଳ ହୋଇଥିଲା। ଅଭିଯୁକ୍ତଠାରୁ ସହିଦନଗର ପୁଲିସ ନକଲି ସବ-ଇନସ୍ପେକ୍ଟର ପରିଚୟପତ୍ର ଏବଂ ନଗଦ ଟଙ୍କା ଜବତ ସହ ତଦନ୍ତ ଚଳାଇଥିବା ସୂଚନା ମିଳିଛି।
Powered by Froala Editor
