ବିଦେଶରେ ପହଞ୍ଚିଲା ଢେଙ୍କାନାଳ ଅମୃତଭଣ୍ଡା
କୃଷି କ୍ଷେତ୍ରରେ ଆଗେଇ ଚାଲିଛି ଓଡ଼ିଶା । ଢ଼େଙ୍କାନାଳର କଞ୍ଚା ଅମୃତଭଣ୍ଡା ଏବେ ଲଣ୍ଡନରେ ପହଞ୍ଚିଛି । ଢେଙ୍କାନାଳରୁ ଲଣ୍ଡନକୁ ଏକ ଟନ୍ ପ୍ରିମିୟମ୍-ଗୁଣବତ୍ତାଯୁକ୍ତ କଞ୍ଚା ଅମୃତଭଣ୍ଡା ରପ୍ତାନି କରାଯାଇଛି। ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଲଣ୍ଡନକୁ ପ୍ରଥମ ଥର ପାଇଁ ଅମୃତଭଣ୍ଡା ରପ୍ତାନି ନେଇ ଗୁରୁତ୍ୱାରୋପ କରିଛନ୍ତି। ମୁଖ୍ୟମନ୍ତ୍ରୀ ଏହି କାର୍ଯ୍ୟକୁ ପ୍ରଶଂସା କରିଛନ୍ତି।
ଢେଙ୍କାନାଳର ସପ୍ତଶଯ୍ୟା ଏଫପିସି ଲିମିଟେଡର ମହିଳା ଚାଷୀମାନଙ୍କ ଦ୍ୱାରା ଚାଷ କରାଯାଇଥିବା ଅମୃତଭଣ୍ଡାର ରପ୍ତାନିକୁ ରାଜ୍ୟ କୃଷି ବିଭାଗ, କୃଷି ଏବଂ ପ୍ରକ୍ରିୟାକୃତ ଖାଦ୍ୟ ଉତ୍ପାଦ ରପ୍ତାନି ବିକାଶ ପ୍ରାଧିକରଣ (ଏପିଡା) ଏବଂ ପାଲାଡିୟମ୍ କନସଲ୍ଟିଂ ଇଣ୍ଡିଆ ଦ୍ୱାରା କରାଯାଇଛି।
ଏହା କୃଷି ଓ ମହିଳା ସଶକ୍ତିକରଣକୁ ଆହୁରି ସୁଦୃଢ କରିବ । ମୁଖ୍ୟମନ୍ତ୍ରୀ ମହିଳାଙ୍କ ଚାଷକୁ ଆହୁରି ପ୍ରୋତ୍ସାହନ ଦେବାକୁ ପ୍ରତିଶ୍ରୁତି ଦେଇଛନ୍ତି ।
Powered by Froala Editor
