ଦକ୍ଷିଣ ପୁର୍ବ ଏସୀୟ ଦେଶ ଫିଲିପାଇନ୍ସର ରାଜଧାନୀ ମାନିଲା ଉପକଣ୍ଠ ମଣ୍ଡାଲୁୟୋଙ୍ଗ ଅଚଂଳ ଏଡ଼ିଶନ ହିଲ୍ସ ଗ୍ରାମରେ ସମ୍ପ୍ରତି ଡେଙ୍ଗୁ ରୋଗ ଆତଙ୍କ ମଚାଇବାରେ ଲାଗିଛି । ତେଣୁ ମଶା ପ୍ରକୋପକୁ କମାଇବା ପାଇଁ  ହିଲ୍ସ ଗ୍ରାମରେ ଏକ ନିଆରା ପଦେକ୍ଷେପ ଗ୍ରହଣ କରାଯାଇଛି । ମଶାଗୁ୍ଡିକୁ ଜୀବିତ ବା ମୃତ ଅବସ୍ଥାରେ ନେଇ ପ୍ରଶାସନକୁ ଦେଲେ ଗ୍ରାମ ପକ୍ଷରୁ ନଗଦ ପୁରଷ୍କାର ଦିଆଯିବା । ଚଳିତ ବର୍ଷ କେବଳ ଜାନୁଆରୀରେ୨୮,୨୩୪ ଡେଙ୍ଗୁ ମାମଲା ସମ୍ପୂର୍ଣ୍ଣ ଫିଲିପାଇନ୍ସରେ ସାମନାକୁ ଆସିଥିବା ନେଇ ଦେଶର ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ସେଥିମଧ୍ୟରୁ କେବଳ କୁ୍ୟଜୋନ ସହରରେ ୧,୭୫୦ ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଏଡିଶନ ହିଲ୍ସ କୁ୍ୟଜୋନ ସହର ନିକଟବର୍ତ୍ତୀ ଗ୍ରାମ ହୋଇଥିବା ଏଠାକାର ଜନସଂଖ୍ୟା ୧ଲକ୍ଷରୁ ଅଧିକ । ଚଳିତ ବର୍ଷ ବର୍ତ୍ତମାନ ସୁଦ୍ଧା ଏହି ଗ୍ରାମରେ ୪୨ଟି ଡେଙ୍ଗୁ ମାମଲା ଚିହ୍ନଟ ହୋଇଥିବାବେଳେ ୨ଜଣ ଛାତ୍ରଙ୍କର ଡେଙ୍ଗୁରେ ମୃତୁ୍ୟ ହୋଇସାରିଛି । ତେଣୁ ଗ୍ରାମର ମୁ୍ଖ୍ୟ କାର୍ଲିଟୋ ସର୍ନାଲ ଏକ ନିଆରା ଉପାୟ ବାହାର କରି ପ୍ରତି ୫ ମଶାକୁ ଜୀବିତ ବା ମୃତ ଅବସ୍ଥାରେ ପ୍ରଶାସନକୁ ଦେଲେ ଗୋଟିଏ ଫିଲିପାଇନ୍ସ ପେସୋ ପ୍ରାୟ ଦେଢ଼ କୋଟି ପୁରସ୍କାର ଆକାରରେ ଦିଆଯିବ ବୋଲି ଘୋଷଣା କରିଛନ୍ତି । ତେବେ ସ୍ୱାସ୍ଥ୍ୟ ବିଶେଷଜ୍ଞମାନେ ଏପରି ଘୋଷଣା  ହାନିକାରକ ହୋଇପାରେ ବୋଲି ଆଶଙ୍କା ପ୍ରକଟ କରିଛନ୍ତି । ଏହି ଘୋଷଣା ପରେ କେତେଜଣ ଲୋକ ପୁରସ୍କାର ପାଇବା ଆଶାରେ ମଶା ପାଳନ କରିପାରନ୍ତି, ଯାହା ଫଳରେ ଏହି ରଣନୀତି ସମ୍ପୂର୍ଣ୍ଣ ଓଲଟା ପଡ଼ିପାରେ ବୋଲି ସେମାନେ କହିଛନ୍ତି । ତେବେ କାଲର୍୍ିଟୋ ଏହି ତଥ୍ୟକୁ ଅସ୍ୱୀକାର କରିଛନ୍ତି । ଗ୍ରାମରେ ଡେଙ୍ଗୁ ମାମଲା ସଂଖ୍ୟାରେ ହାସ କରିଛନ୍ତି ।

Powered by Froala Editor