ଶିମିଳିପାଳରୁ ଜିନତ ପଳାଇବା ପରେ ବନବିଭାଗକୁ ନିଦ ଆସୁନି । ସେପଟେ ପଶ୍ଚିମବଙ୍ଗରେ ଯାଇ ବୁଲୁଛି ବାଘୁଣୀ ‘ଜିନତ’ । ୩-୪ଦିନ ହେବ ପଶ୍ଚିମବଙ୍ଗର ପୁରୁଲିଆ ଜିଲ୍ଲା ଅନ୍ତର୍ଗତ ରାଇକିଆ ପାହାଡ଼ ଗୁମ୍ଫାରେ ଲୁଚି ରହିଥିବା ଜଣାପଡ଼ିଛି । ତେଣୁ ପଶ୍ଚିମବଙ୍ଗ ଓଡ଼ିଶାର ଟ୍ରାଙ୍କୁଲାଇଜ୍ ଟିମ୍ ବାଘର ଗତିବିଧି ଉପରେ ତୀକ୍ଷ୍ଣ ଦୃଷ୍ଟି ରଖିଛନ୍ତି । ପିସିସିଏଫ୍ ବନ୍ୟପ୍ରାଣୀ ପ୍ରକାଶ କୁମାର ଝା କହିଛନ୍ତି, ପୂର୍ବରୁ ଜିନ୍ନତ ରାଇକିଆ ପାହାଡ଼ର ଗୁମ୍ଫାରେ ଲୁଚିଥିଲା । ବର୍ତ୍ତମାନ ସେ ଏକ ପୁରୁଲିଆ ଜିଲ୍ଲାର ଡ୍ୟାମ୍ ସ୍ଥାନରେ ବୁଲୁଛି ।

ଶୁକ୍ରବାର ଜିନ୍ନତ ଉକ୍ତ ଗୁମ୍ଫାରୁ ବାହାରି ସ୍ଥାନୀୟ ମନବଜାର ଫରେଷ୍ଟ ବ୍ଲକ ଅଞ୍ଚଳରେ ଥିବା ଏକ ବାଉଁଶ ବୁଦା ଓ ଡ୍ୟାମ୍ ଏରିଆରେ ବୁଲୁଥିବା ଲୋକେ ଦେଖିଥିଲେ । ବାଉଁଶବୁଦାରେ ବାଘକୁ ଦେଖି ଲୋକେ ଭୟଭୀତ ହୋଇପଡିଥିଲେ । ଖବର ପାଇ ବନବିଭାଗ ପହଞ୍ôଚଥିଲା । କିନ୍ତୁ ପୁଣି ଚକ୍‌ମା ଦେଇ ଲୁଚି ଯାଇଥିଲା ବାଘୁଣୀ । ଏପଟେ ଗାଁର ୨ରୁ ୩ଟି ଛେଳି ସହ କିଛି ଗୋରୁଙ୍କୁ ଜିନ୍ନତ ଆକ୍ରମଣ କରିବାକୁ ଚେଷ୍ଟା କରିଛି ଜିନତ । ତେଣୁ ଜଙ୍ଗଲକୁ ନଯିବା ପାଇଁ ବନବିଭାଗ ବାରମ୍ବାର ପ୍ରଚାର ମଧ୍ୟ କରୁଛି । ଶନିବାର ଦିନ ତମାମ ଉଭୟ ପଶ୍ଚିମବଙ୍ଗ ଓ ଓଡ଼ିଶାର ୪ଟି ଟ୍ରାଙ୍କୁଲାଇଜ୍ ଟିମ୍ ଜିନତକୁ ଧରିବା ପାଇଁ କୌଶଳ ଲଗାଇଥିଲେ । ମାତ୍ର ବିଫଳ ହୋଇଥିଲେ ।

ପ୍ରକାଶ ଥାଉକି, ଜିନତକୁ ମହାରାଷ୍ଟ୍ରର ତଡ଼ବା ଜଙ୍ଗଲରୁ ଶିମିଳିପାଳ ଅଭୟାରଣ୍ୟକୁ ଅଣା ଯାଇଥିଲା । ପ୍ରଥମେ ତାଙ୍କୁ ଶିମିଳିପାଳରେ ଏନକ୍ଲୋଜରରେ ରଖାଯାଇଥିଲା । ପରେ ଶିମିଳିପାଳର କୋର ଏରିଆ ଭିତରେ ଛାଡ଼ି ଦିଆଯାଇଥିଲା । ହେଲେ ଗତ ୧୦ ତାରିଖରେ ଜିନ୍ନତ ଶିମିଳିପାଳ ଛାଡ଼ି ଝାଡ଼ଖଣ୍ଡ ପଳାଇଛି ।

Powered by Froala Editor