କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ ବାମେବାରୀ ସେକ୍ସନ ଅନ୍ତର୍ଗତ ଜଗଦଳା, ଗଡୁଆଟୋପା ଗ୍ରାମରେ ଏକ ହାତୀ ଶାବକ ଏକ ହାତୀ ଶାବକ ଗୋଠ ଛଡା ହୋଇଯାଇଛି । ତାକୁ ବନବିଭାଗ ହାତୀପଲରେ ମିଶାଇବାକୁ ସନ୍ଧ୍ୟା ପର୍ଯ୍ୟନ୍ତ ଚେଷ୍ଟା ଚଳାଇଥିଲେ ବି ସଫଳ ହୋଇପାରିନି । ଶେଷରେ ଶାବକଟି ବନବିଭାଗ ହେପାଜତରେ ରହିଛି । ହାତୀଟି ଗୋଠ ଛଡା ହୋଇ ଜନବସତିକୁ ଚାଲି ଆସିଥିବାବେଳେ ଲୋକେ ତା ସହ ଭିଡିଓ କରିବାକୁ ତା ପଛେ ପଛେ ଦୌଡୁଛନ୍ତି । ଯାହାର ଏକ ଭିଡିଓ ଭାଇରାଲ ହେଉଛି । ମଣିଷ ଛୁଇଁବା ପରେ ହୁଏତ ହାତୀପଲ ଶାବକକୁ ଗୋଠରେ ମିଶାଉନଥିବା ବନବିଭାଗ କହିଛି ।

ସୂଚନା ଅନୁଯାୟୀ,  ହାତୀ ଶାବକ ଟି  ଏକ ଅଣ୍ଡିରା ହାତୀ ଓ ତାର ବୟସ ପ୍ରାୟ  ୬ ମାସ ହେବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି । ୧୩ ଟିକିଆ ହାତୀପଲ ନିକଟସ୍ଥ  ନାଳ ପାରି ହୋଇ ଯାଉଥିବାବେଳେ, ହାତୀ ଶାବକ ନାଳ ପାରି ହୋଇ ନପାରିବାରୁ ଯାଇ ନ ପାରି ରହିଗଲା । ହାତୀ ପଲ ମଧ୍ୟ ଶାବକକୁ ଛାଡ଼ି ଜଙ୍ଗଲ ଭିତରକୁ ଚାଲି ଯାଇଥିଲେ । ହାତୀ ଶାବକ ଟି ଦଳରୁ ବିଛିଡ଼ି ଯିବା ପରେ ଗାଁ ଭିତରେ ଜଣେ ବ୍ୟକ୍ତିଙ୍କ ଘର  ଭିତରେ ପଶି ଯାଇଥିଲା ।  ଗ୍ରାମବାସୀ ହାତୀ ଶାବକ ଟିକୁ ଜଙ୍ଗଲ ଭିତରକୁ ନେଇ ଛାଡିବାକୁ ଚେଷ୍ଟା କରୁଥିବା ବେଳେ, ହାତୀ ଛୁଆଟି ପୁଣି ଗାଁ ଭିତରକୁ ଫେରି ଆସୁଥିବା ଦେଖିବାକୁ ମିଳି ଥିଲା ।  

ହାତୀ ଶାବକ କୁ  ଦେଖିବା ପାଇଁ ସ୍ଥାନୀୟ ଲୋକଙ୍କ ପ୍ରବଳ ଭିଡ଼ ଜମିଥିଲା । ଖବର ପାଇ ବାମେବ।ରି ସେକ୍ସନ ର ବନ କର୍ମଚାରୀ ଘଟଣା ସ୍ଥଳରେ ପହଞ୍ଚି ହାତୀ ଶାବକକୁ ଜଙ୍ଗଲ ରେ ଛାଡ଼ି ବାକୁ ଚେଷ୍ଟା କରିଥିଲେ । ହେଲେ ହାତୀପଲ ସନ୍ଧ୍ୟା ଯାଏ ଶାବକକୁ ନେଇନଥିଲେ । ଆଗାମୀ ଦିନରେ ତାକୁ ଜଙ୍ଗଲରେ ଛାଡିବାକୁ ଚେଷ୍ଟା କରାଯିବ ବୋଲି ବନବିଭାଗ ତରଫରୁ ସୂଚନା ମିଳିଛି ।

Powered by Froala Editor