ଘିଅ ଘୋଟାଲା : ଅସଲି ଭାବି ଲୋକେ ଖାଉଥିଲେ ନକଲି ‘ବାଲଗୋପାଲ’
ପୁଣି ଏକ ନକଲି ଘିଅ କାରଖାନା ଠାବ ହୋଇଛି । ବନସ୍ପତିରେ ବିଭିନ୍ନ ଏସେନ୍ସ ମିଶାଇ ତିଆରି ହେଉଥିଲା ବାଲ୍ ଗୋପାଲ ନାମକ ଘିଅ । କଟକ ଜଗତପୁର ସ୍ଥିତ ନ୍ୟୁ ଇଣ୍ଡଷ୍ଟ୍ରିଆଲ ଇଷ୍ଟେଟ୍ ଭିତରୁ ଏହି ନକଲି ଘିଅ କାରଖାନା ମିଳିଛି । ଏନେଇ ଅଭିଯୋଗ ହେବା ପରେ ଖୋଳତାଡ ଆରମ୍ଭ କରିଛି ପୁଲିସ୍ ଓ କଟକ ମହାନଗର ନିଗମ(ସିଏମ୍ସି) ଖାଦ୍ୟ ସୁରକ୍ଷା ବିଭାଗ।
ଜଗତପୁର ନୂଆ ଶିଳ୍ପାଞ୍ଚଳରେ ‘ବାଲ୍ଗୋପାଲ’ ନାଁରେ ତିଆରି ହେଉଥିଲା ନକଲି ଘିଅ। ବନସ୍ପତିକୁ ଗରମ କରାଯାଇ ସେଥିରେ ଗୁଆ ଘିଅର ସେଣ୍ଟ ଓ ଅନ୍ୟାନ୍ୟ ରାସାୟନିକ ଦ୍ରବ୍ୟ ମିଶା ଯାଉଥିଲା। ତା’ପରେ ଡବାରେ ପ୍ୟାକିଂ କରାଯାଇ ମାର୍କେଟକୁ ଛଡ଼ା ଯାଉଥିଲା। ଯାହାକୁ ଅସଲି ଭାବି ଲୋକମାନେ ଖାଇବା ସହିତ ପୂଜାରେ ବ୍ୟବହାର କରୁଥିଲେ।
ଏହି କମ୍ପାନୀରେ ଜଗତପୁର ଥାନା ପୁଲିସ୍ ଓ କଟକ ମହାନଗର ନିଗମ (ସିଏମସିର) ଖାଦ୍ୟ ସୁରକ୍ଷା ବିଭାଗ ମିଳିବ ଭାବେ କାରଖାନାରେ ଚଢାଉ କରିଥିଲେ । କାରଖାନାରେ ବହୁ ପରିମାଣରେ ନକଲି ଘିଅ ମହଜୁଦ ରହିଛି । ଏଥିସହ ଘିଅର ମାନ ଯାଞ୍ଚ ପାଇଁ ନମୂନା ସଂଗ୍ରହ କରାଯାଇଛି । ଏନେଇ ଅଧିକ ଖୋଳତାଡ ଚାଲିବା ସହ କାରଖାନା ମାଲିକଙ୍କୁ ଅଟକ ରଖି ପଚରା ଉଚରା ଚଲାଇଛି ପୁଲିସ୍ ।
Powered by Froala Editor
