ଫର୍ଚୁନ୍ ଇଣ୍ଡିଆ ୨୦୨୩-୨୪ ଆର୍ଥିକ ବର୍ଷରେ ସର୍ବାଧିକ ଟିକସ ଦେଇଥିବା ସେଲିବ୍ରିଟିଙ୍କ ତାଲିକା ପ୍ରକାଶ କରିଛି । ଅଭିନେତାଙ୍କ ଭିତରେ ଶାହରୁଖ ଖାନ ସର୍ବାଧିକ ଟିକସ ଦେଉଥିବାବେଳେ କରୀନା କପୁର ଖାନ ଅଭିନେତ୍ରୀଙ୍କ ଭିତରେ ସବୁଠୁ ଅଧିକ ଟିକସ ଦେଉଛନ୍ତି । ସେ ଦୀପିକା ପାଦୁକୋନ ଏବଂ ଶ୍ରଦ୍ଧା କପୁରଙ୍କୁ ପଛରେ ପକାଇଦେଇଛନ୍ତି ।

ସେ ୨୦ କୋଟି ଟଙ୍କାର ଟ୍ୟାକ୍ସ ଦେଇଛନ୍ତି, ଯାହା ଦୀପିକା ପାଦୁକୋନଙ୍କ ଭଳି ତାରକାଙ୍କଠାରୁ ଆଗରେ ଅଛି । କିଆରା ଆଡଭାନି ଦ୍ୱିତୀୟ ଏବଂ ପରେ କ୍ୟାଟ୍ରିନା କୈଫ ରହିଛନ୍ତି । କିଆରା ଆଡଭାନୀ ୧୨ କୋଟି ଟଙ୍କା ଟିକସ ପୈଠ କରିଛନ୍ତି । ୧୧ କୋଟି ଟଙ୍କା ଦେଇ କ୍ୟାଟ୍ରିନା କୈଫ ତୃତୀୟ ସ୍ଥାନରେ ଅଛନ୍ତି । ଏହି ତିନିଜଣଙ୍କ ବ୍ୟତୀତ ଅନ୍ୟ କୌଣସି ଭାରତୀୟ ଅଭିନେତ୍ରୀଙ୍କ ନାମ ଚଳିତ ବର୍ଷ ତାଲିକାରେ ନାହିଁ। 

ରିପୋର୍ଟ ଅନୁଯାୟୀ କରୀନା କପୁର ୪୮୫ କୋଟି ଟଙ୍କା ମୂଲ୍ୟର ସମ୍ପତ୍ତିର ମାଲିକ । ସେ ପ୍ରତିବର୍ଷ ୧୦-୧୨ କୋଟି ଟଙ୍କା ରୋଜଗାର କରନ୍ତି । କରୀନା କପୁର ତାଙ୍କ ଚଳଚ୍ଚିତ୍ର ପାଇଁ ବିପୁଳ ପରିମାଣର ଚାର୍ଜ କରନ୍ତି। ଅନେକ ରିପୋର୍ଟ ଅନୁଯାୟୀ, ସେ ଏକ ଚଳଚ୍ଚିତ୍ର ପାଇଁ ୧୦ କୋଟି ଟଙ୍କା ଚାର୍ଜ କରନ୍ତି, ଏହା ବ୍ୟତୀତ ଅଭିନେତ୍ରୀ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ପ୍ରବଳ ଆୟ କରନ୍ତି । ଅଭିନେତ୍ରୀଙ୍କ ଇନଷ୍ଟାଗ୍ରାମ ବାୟୋ ଅନୁଯାୟୀ, ସେ ସୋନି, ହେଡ୍ ଆଣ୍ଡ୍ ସୋଲଡ଼ର, ଲାକମେ, ପ୍ରିଗା ନ୍ୟୁଜ୍ ଏବଂ ମାଗ୍ନମ୍ ଆଇସକ୍ରିମ୍ ପରି ଅନେକ ଉଚ୍ଚ-ପ୍ରୋଫାଇଲ୍ ବ୍ରାଣ୍ଡର ଚେହେରା । 

Powered by Froala Editor