ରାଜଧାନୀ ଏକ୍ସପ୍ରେସ ଲାଇନଚ୍ୟୁତ
ମହାରାଷ୍ଟ୍ର: ମହାରାଷ୍ଟ୍ରର ରତ୍ନଗିରି ଜିଲ୍ଲାରେ ହଜରତ ନିଜାମୁଦ୍ଦିନରୁ ଗୋଆ ଅଭିମୁଖେ ଯାତ୍ରା କରୁଥିବା ରାଜଧାନୀ ଏକ୍ସପ୍ରେସ ଆଜି ସକାଳେ ଲାଇନଚ୍ୟୁତ ହୋଇଥିବା ଜଣାପଡିଛି। କୋଙ୍କଣ ରେଳ ବିଭାଗର ମୁଖ୍ୟ ଜନସମ୍ପର୍କ ଅଧିକାରୀ ଏହି ସୂଚନା ଦେଇଛନ୍ତି। ତେବେ ଏଥିରେ କୌଣସି କ୍ଷୟକ୍ଷତି ହୋଇନଥିବା ସୂଚନା ମିଳିଛି। ଟ୍ରେନଟି ଗୋଆର ମଡଗାଓଁକୁ ଯାଉଥିବା ବେଳେ ରତ୍ନଗିରିରେ ଟ୍ରେନର ଚକ ଟ୍ରାକରୁ ବାହାରକୁ ବାହାରି ଯାଇଥିଲା। ଯଦିଓ ଏହାର କାରଣ ଜଣାପଡିନାହିଁ, ତେବେ ଏକ ଟନେଲ ମଧ୍ୟ ଦେଇ ଯିବା ବେଳେ ଏକ ଛୋଟ ବୋଲ୍ଡର ଟ୍ରେନର ଗୋଟିଏ ଚକ ସହ ଧକ୍କା ହେବା ଯୋଗୁ ଏଭଳି ଘଟିଥିବା ଅନୁମାନ କରାଯାଉଛି। ସିପିଆରଓ ସୂଚନା ଅନୁଯାୟୀ, ସେହି ଟ୍ରାକକୁ ସକାଳ ୮:୧୮ରେ ମରାମତି କରାଯିବ ପରେ ୮:୪୫ରେ ଟ୍ରେନ ପୁଣି ଯାତ୍ରା କରିଛି।
Powered by Froala Editor
