ଲୋକ ସଭାରେ ବିରୋଧୀ ଦଳର ନେତା ତଥା କଂଗ୍ରେସ ଏମ୍‌ପି ରାହୁଲ ଗାନ୍ଧୀ ଏବଂ ୭ ଜଣ ଏମ୍‌ପିଙ୍କୁ ପାକିସ୍ତାନ ଆମ୍ବ ପଠାଇଛି। ରାହୁଲଙ୍କ ସମେତ ୭ ସାଂସଦଙ୍କ ପାଇଁ ପାକିସ୍ତାନ ପଠାଇଛି ପେଟି ପେଟି ଆମ୍ବ। ଏହି ଖବର ସାମ୍ନାକୁ ଆସିବା ପରେ ଏବେ ରାଜନୀତି ଜୋର୍‌ ଧରିଛି।  ଦିଲ୍ଲୀ ସ୍ଥିତ ପାକିସ୍ତାନ ଦୂତାବାସ ବିରୋଧୀଦଳ ନେତା ରାହୁଲ ଗାନ୍ଧିଙ୍କ ସମେତ ୭ ଜଣ ସାଂସଦଙ୍କୁ ଆମ୍ବ ପେଟି ପଠାଇଥିବା ବିଜେପି ଦାବି କରିଛି।

ଗୋଟିଏ ପଟେ ବାଂଲାଦେଶ ଜଳୁଛି ଆଉ ଗୋଟିଏ ପଟେ ସମ୍ପର୍କ ସୁଧାରିବାକୁ ଚେଷ୍ଟା କରୁଛି ପାକିସ୍ତାନ। ଆମ୍ବକୁ ଢାଲ କରି ଭାରତର ବିରୋଧୀ ସାଂସଦଙ୍କ ସହ ସମ୍ପର୍କ ଦୃଢ କରିବାକୁ ଚାହୁଁଥିବା ଜଣାପଡିଛି । ବିଜେପିର ବରିଷ୍ଠ ନେତା ତଥା କେନ୍ଦ୍ର ମନ୍ତ୍ରୀ ଗିରିରାଜ ସିଂ କହିଛନ୍ତି ଯେ, ରାହୁଲଙ୍କୁ ପାକିସ୍ତାନରୁ ଆମ୍ବ ମିଳିଛି। ପଡୋଶୀ ଦେଶ ସହିତ ସେମାନଙ୍କର ଭିତିରିଆ ସମ୍ପର୍କ ଅଛି।

ମିଡିଆ ରିପୋର୍ଟରେ ଦର୍ଶାଯାଇଛି, ରାହୁଲ ଗାନ୍ଧୀଙ୍କ ବ୍ୟତୀତ ଆମ୍ବ ମଧ୍ୟ ରାଜ୍ୟ ସଭା ଏମ୍‌ପି କପିଲ ସିବଲ ଏବଂ ଥିରୁଭାନନ୍ତପୁରମ ଏମ୍‌ପି ତଥା କଂଗ୍ରେସ ନେତା ଶଶି ଥରୁରଙ୍କ ନିକଟକୁ ପଠାଯାଇଛି। ସମାଜବାଦୀ ପାର୍ଟିର ରାମପୁର ଏମ୍‌ପି ମୋହିବୁଲ୍ଲା ନାଡଭି, ସମୱାଲ ଏମ୍‌ପି ଜିଆ-ଉର-ରେହମାନ ବୁର୍କ, କୌରାନା ଏମ୍‌ପି ଇକ୍ରା ହାସନ ଏବଂ ଗାଜୀପୁର ଏମ୍‌ପି ଆଫଜଲ ଅନସାରୀଙ୍କୁ ମଧ୍ୟ ଆମ୍ବ ପଠାଯାଇଛି। ବର୍ତ୍ତମାନ ପର୍ଯ୍ୟନ୍ତ ଏ ବାବଦରେ କୌଣସି ସରକାରୀ ବିବୃତ୍ତି ବାହାରି ନାହିଁ।

Powered by Froala Editor