ଭିନେଶ ଫୋଗାଟଙ୍କୁ ପ୍ୟାରିସ ଅଲିମ୍ପିକ୍ସ ୨୦୨୪ରୁ ଅଯୋଗ୍ୟ ଘୋଷଣା କରାଯାଇଛି। ଅଲିମ୍ପିକ୍ ପ୍ରତିଯୋଗିତାରୁ ଭିନେଶଙ୍କ ଅଯୋଗ୍ୟତା ପଛରେ ଏକ ଷଡଯନ୍ତ୍ର ହୋଇଥିବା ନେଇ ବିରୋଧୀ ଦଳ ଆଶଙ୍କା ପ୍ରକଟ କରିଛନ୍ତି।  ସେପଟେ ଟିଏମସି ଏମ୍‌ପି ଅଭିଷେକ ବାନାର୍ଜୀ ଭିନେଶ ଫୋଗଟଙ୍କୁ ଭାରତ ରତ୍ନ ଦେବାକୁ ଦାବି କରିଛନ୍ତି।

ଅଭିଷେକ ବାନାର୍ଜୀ କହିଛନ୍ତି ଭିନେଶ ଫୋଗାଟଙ୍କୁ ଭାରତ ରତ୍ନ କିମ୍ବା ରାଜ୍ୟସଭା ଆସନ ମିଳିବା ଉଚିତ୍। ଅଲିମ୍ପିକ୍ସରୁ ଓହରିଯିବା ପରେ ଭିନେଶଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା ଏବଂ ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ଯେଉଁଠାରେ ଭାରତୀୟ ଅଲିମ୍ପିକ୍ ଆସୋସିଏସନ୍ (ଆଇଓଏ) ସଭାପତି ପି.ଟି ଉଷା ତାଙ୍କୁ ଭେଟିବାକୁ ଯାଇଥିଲେ।

ସଂସଦରେ ବିରୋଧୀମାନେ ଏହି ପ୍ରସଙ୍ଗରେ କେନ୍ଦ୍ର ସରକାରଙ୍କ ହସ୍ତକ୍ଷେପ ଦାବି କରିଛନ୍ତି। ଏ ସମ୍ପର୍କରେ କ୍ରୀଡ଼ା ମନ୍ତ୍ରୀ ମନସୁଖ ମାଣ୍ଡବ୍ୟ ସଂସଦରେ କହିଛନ୍ତି, ଭିନେଶ ଫୋଗାଟଙ୍କ ଓଜନ ୫୦ କିଲୋଗ୍ରାମରୁ ୧୦୦ ଗ୍ରାମ୍ ଅଧିକ ବୋଲି ଜଣାପଡିଛି। ଯେଉଁଥିପାଇଁ ସେ ଅଯୋଗ୍ୟ ହୋଇଛନ୍ତି ।ଭାରତୀୟ ଅଲିମ୍ପିକ ଆସୋସିଏସନ ଅନ୍ତର୍ଜାତୀୟ ଅଲିମ୍ପିକ କମିଟି ସହିତ ଏକ ତୀବ୍ର ବିରୋଧ ପ୍ରଦର୍ଶନ କରିଛି।

ଆଇଓଏ ସଭାପତି ପି.ଟି ଉଷା କହିଛନ୍ତି ଭାରତ ରେସଲିଂ ଫେଡେରେସନ୍ (ଆଇଡବ୍ଲ୍ୟୁଏଫ୍) ୟୁନାଇଟେଡ୍ ୱାର୍ଲ୍ଡ ରେସଲିଂ (ୟୁଡବ୍ଲ୍ୟୁଡବ୍ଲ୍ୟୁ)ରେ ଫୋଗାଟଙ୍କୁ ଅଯୋଗ୍ୟ ଘୋଷଣା କରିବାର ପୁନର୍ବିଚାର କରିବାକୁ ଆବେଦନ କରିଛି।

Powered by Froala Editor