ପାହାଡ଼ରେ ସେଲ୍ଫି ନେଉଥିଲେ ଯୁବତୀ, ୧୦୦ ଫୁଟ୍ ତଳକୁ ଖସିପଡିଲେ
ଜଣେ ଯୁବତୀ ସେଲଫି ନେବା ବେଳେ ୧୦୦ ଫୁଟ୍ ତଳକୁ ଖସି ପଡିଛନ୍ତି। ଯୁବତୀ ତାଙ୍କ ସାଙ୍ଗମାନଙ୍କ ସହ ମହାରାଷ୍ଟ୍ର ପୁନେର ସତରାଠାରେ ଥିବା ଏକ ପାହାଡିଆ ଅଞ୍ଚଳ ବୁଲିବାକୁ ଯାଇଥିଲେ। ଏହି ସମୟରେ ପାହାଡର ଉଚ୍ଚ ସ୍ଥାନକୁ ଯାଇ ସେଲଫି ନେଉଥିଲେ। ହଠାତ୍ ଗୋଡ଼ ଖସିଯିବାରୁ ସେ ୧୦୦ ଫୁଟ ଘାଟି ତଳକୁ ଖସି ପଡ଼ିଥିଲେ।
ଜଣେ ଯୁବକ ଦଉଡ଼ି ସାହାଯ୍ୟରେ ଘାଟି ତଳକୁ ଯାଇ ସେଠାରୁ ଯୁବତୀଙ୍କୁ ସୁରକ୍ଷିତ ଉଦ୍ଧାର କରିଛନ୍ତି। ଯୁବତୀଙ୍କୁ ଉଦ୍ଧାର କରିବା ସମୟରେ ଭିଡିଓ ସୋଶାଲ ମିଡିଆରେ ଭାଇରାଲ୍ ହେଉଛି। ସୌଭାଗ୍ୟବଶତଃ ଯୁବତୀଙ୍କ ଜୀବନ ରକ୍ଷା ପାଇଯାଇଛି ସତ, କିନ୍ତୁ ତାଙ୍କ ଶରୀରରେ ଏକାଧିକ ଆଘାତ ଲାଗିଛି। ତାଙ୍କୁ ନିକଟସ୍ଥ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି।
ନିକଟରେ ମହାରାଷ୍ଟ୍ରର ଜଣେ ସୋଶାଲ ମିଡିଆ ଇନଫ୍ଲୁଏନ୍ସଙ୍କର ସେଲଫି ନେବା କାରଣରୁ ମୃତ୍ୟୁ ଘଟିଥିଲା। ସେ ସେଲଫି ନେବା ବେଳେ ୩୦୦ ଫୁଟ ଘାଟି ତଳକୁ ଖସି ପଡିଥିଲେ। ଫଳରେ ତାଙ୍କର ମୃତ୍ୟୁ ହୋଇଥିଲା।
Powered by Froala Editor
