ରେଳ ଦୁର୍ଘଟଣାରେ ଚାଲିଗଲା ରାଉରକେଲାର ଦୁଇ ଯୁବକଙ୍କ ଜୀବନ
ରାଉରକେଲା : ଚକ୍ରଧରପୁର ରେଳମଣ୍ଡଳ ଅନ୍ତର୍ଗତ ରାଜଖରସୁଆଁ ନିକଟରେ ହୋଇଥିବା ରେଳ ଦୁର୍ଘଟଣାରେ ରାଉରକେଲାର ଦୁଇ ଜଣ ଯୁବକଙ୍କ ଜୀବନ ଚାଲିଯାଇଛି। ଏହି ଖବର ମିଳିବା ମାତ୍ରେ ଉଭୟ ଯୁବକଙ୍କ ପରିବାରରେ ଶୋକର ଛାୟା ଖେଳି ଯାଇଛି । ମୃତ ଯୁବକ ମାଲଗୋଦାମ ସର୍ଦ୍ଦାର ବସ୍ତିର ଅଜିତ ସାମଲ ଏବଂ ରେଳବାଇ କଲୋନୀର ପି. ବିକାଶ ବୋଲି ଜଣାପଡିଛି। ଅଜିତ ବିବାହିତ ଓ ତାଙ୍କର ସ୍ତ୍ରୀ ଓ ଦୁଇଟି ଛୋଟ ପିଲା ଅଛନ୍ତି । ବାପାମା ଓ ବଡ଼ ଭାଇ ଓ ନିଜ ଛୁଆ ପିଲାଙ୍କୁ ନେଇ ଅଜିତ ଙ୍କ ହସ ଖୁସିର ସଂସାର ଚାଲୁଥିବା ବେଳେ ସେ ଏକ ଠିକା ସଂସ୍ଥାରେ ସୁପରଭାଇଜର ଭାବେ କାର୍ଯ୍ୟ କରୁଥିଲେ। ଗତକାଲି ଏକ ବ୍ୟବସାୟିକ କାର୍ଯ୍ୟ ରେ ରେଳବାଇ କଲୋନୀ ର ପି. ବିକାଶକୁ ଧରି ଟାଟା ନଗର କୁ ଯାଇଥିଲେ। ଟାଟା ରେ କାମ ସାରି ଘରକୁ ଫେରୁଥିବା ବେଳେ ବିଳମ୍ବିତ ରାତିରେ ହୋଇଥିବା ଦୁର୍ଘଟଣାରେ ସେମାନଙ୍କର ଜୀବନ ଚାଲିଯାଇଥିଲା। ରେଳବାଇ କଲୋନୀ ରେ ରହୁଥିବା ପି. ବିକାଶ ର ସେଲୁନ ବ୍ୟବସାୟ ଥିବା ବେଳେ ସେ ଅବିବାହିତ ଥିଲେ।
Powered by Froala Editor
