ବିଜେଡି ସରକାର ଆରମ୍ଭ କରିଥିବା ଲକ୍ଷ୍ମୀବସ୍‌ ଗୁଡ଼ିକ ସବୁଜରୁ ଗେରୁଆକୁ ରୂପାନ୍ତରିତ କରାଯାଉଛି। ଢେଙ୍କାନାଳ ବସ୍‌ଷ୍ଟାଣ୍ଡ ଭିତରେ ରହିଥିବା ପ୍ରାୟ ୩ଟି ଲକ୍ଷ୍ମୀବସ୍‌କୁ ଏହିପରି ଗେରୁଆ ରଙ୍ଗ କରାଯାଉଛି। ନିର୍ବାଚନରେ ବିଜେଡି ପରାଜିତ ହେବା ପରଦିନ ରାତାରାତି ଲକ୍ଷ୍ମୀବସ୍‌ଗୁଡ଼ିକରୁ ‘ଶଙ୍ଖ’ ଲୋଗୋ ଷ୍ଟିକର ହଟାଇ ଦିଆଯାଇଥିଲା। 

ସରକାର ପରିବର୍ତ୍ତନ ପରେ ବସ୍ ଚଳାଚଳ ହେବନି ବୋଲି ଚର୍ଚ୍ଚା ଚାଲିଥିଲା । କିନ୍ତୁ ଏହି ବସଗୁଡିକ ଗରିବଙ୍କ ପାଇଁ ଚାଲିବ ବୋଲି ପରିବହନ ମନ୍ତ୍ରୀ ସ୍ପଷ୍ଟ କରିଛନ୍ତି । କିନ୍ତୁ ବସଗୁଡିକରୁ ବିଜେଡିର ଚିହ୍ନକୁ ହଟାଯିବ ବୋଲି କହିଛନ୍ତି । ଏପର୍ଯ୍ୟନ୍ତ ୩ଟି ବସର ରଙ୍ଗକୁ ଗେରୁଆ କରାଯାଇଛି । ହେଲେ ଏନେଇ ଆରଟିଓଙ୍କ ପାଖରେ କୌଣସି ସୂଚନା ନାହିଁ । ଏଥିସହ ଦାୟିତ୍ୱରେ ଥିବା ଓଏସଆରଟିସି ମ୍ୟାନେଜରଙ୍କ ପାଖରେ ମଧ୍ୟ କୌଣସି ସୂଚନା ନାହିଂ । ବସ ରଙ୍ଗ ବଦଳାଇବା ପାଇଁ କିଏ ଅନୁମତି ଦେଇଛି, ତାହା ମଧ୍ୟ ଏପର୍ଯ୍ୟନ୍ତ ଜଣାପଡିନି ।

ଏବେ ସୁଦ୍ଧା ଜିଲ୍ଲାର ବିଭିନ୍ନ ବ୍ଲକ୍‌ରେ ୨୫ଟି ଲକ୍ଷ୍ମୀବସ୍‌ ଓ ସଦର ବ୍ଲକ୍‌ ପାଇଁ ମଧ୍ୟ ୪ଟି ବସ୍‌ ବିଭିନ୍ନ ଅଞ୍ଚଳକୁ ଚଳାଚଳ କରୁଛି। ସରକାର ପରିବର୍ତ୍ତନ ପରେ ବସ୍‌ ଚଳାଚଳ କରିବ ନାହିଁ ଚର୍ଚ୍ଚା ହେଉଥିଲା। ହେେଲ ବସ୍‌ଗୁଡ଼ିକ ଚାଲିବା ସ୍ପଷ୍ଟ କରିଛନ୍ତି ପରିବହନ ମନ୍ତ୍ରୀ। କିନ୍ତୁ ବସ୍‌ଗୁଡ଼ିକରୁ ବିଜେଡିର ଦଳୀୟ ଚିହ୍ନକୁ ପରିବର୍ତ୍ତନ କରାଯାଉଛି ବୋଲି କହିଛନ୍ତି। ତେବେ ଢେଙ୍କାନାଳ ବସ‌୍‌ଷ୍ଟାଣ୍ଡରେ ରହୁଥିବା ବସ୍‌ଗୁଡ଼ିକୁ ଗେରୁଆ ରଙ୍ଗ ସଂପର୍କରେ ଆର୍‌ଟିଓଙ୍କ ପାଖରେ କୌଣସି ସୂଚନା ନାହିଁ। 

Powered by Froala Editor