ଲକ୍ଷ୍ମୀ ବସର ନୂଆ ନାଁ ମୁଖ୍ୟମନ୍ତ୍ରୀ ବସ୍ ସେବା
ଲକ୍ଷ୍ମୀ ବସ୍ ନାଁକୁ ନେଇ ବଡ଼ ଅପ୍ଡେଟ ସାମ୍ନାକୁ ଆସିଛି। ଆଗକୁ ନୂଆ ନାଁରେ ଲକ୍ଷ୍ମୀ ବସ ଚାଲିବ ବୋଲି କହିଛନ୍ତି ପରିବହନ ମନ୍ତ୍ରୀ ବିଭୂତି ଭୂଷଣ ଜେନା । ସେ କହିଛନ୍ତି ଲକ୍ଷ୍ମୀ ବସ୍ ନାଁ ବଦଳାଇ ମୁଖ୍ୟମନ୍ତ୍ରୀ ବସ୍ ସେବା କରାଯିବ। ଏହା ଅତିଶୀଘ୍ର କାର୍ଯ୍ୟକାରୀ କରାଯିବ ବୋଲି ମନ୍ତ୍ରୀ କହିଛନ୍ତି।
୨୦୨୩ ମସିହା ଅକ୍ଟୋବର ୧୨ରେ ଲକ୍ଷ୍ମୀ ବସର ଶୁଭାରମ୍ଭ କରିଥିଲେ ବିଜେଡି ସରକାର । ଜନସାଧାରଣଙ୍କ ପ୍ରସ୍ତାବ ଅନୁସାରେ ପ୍ରତି ପଞ୍ଚାୟତରେ ବସ ସେବା ସୁନିଶ୍ଚିତ କରିବାକୁ ଏହି ଯୋଜନା ଆପଣାଯାଇଥିଲା । ପ୍ରତି ପଞ୍ଚାୟତରୁ ବ୍ଲକକୁ ଲକ୍ଷ୍ମୀ ବସ ଚଳାଚଳର ସୁବିଧା ହୋଇଥିଲା । ମହିଳା, ଛାତ୍ର ଓ ଦିବ୍ଯାଙ୍ଗମାନେ ପଞ୍ଚାୟତରୁ ବ୍ଲକକୁ ମାତ୍ର ୫ ଟଙ୍କାରେ ଯାତାୟାତ ସୁବିଧା ପାଉଥିବାବେଳେ ମିଶନ ଶକ୍ତି ମହିଳାଙ୍କୁ ଏହାର ପରିଚାଳନା ଦାୟିତ୍ବ ଦିଆଯାଇଥିଲା । ନୂଆ ସରକାର ଆସିବା ପରେ ଲକ୍ଷ୍ମୀ ବସ ଚଳାଚଳକୁ ନେଇ ଅନେକ ଆଶଙ୍କା ପ୍ରକାଶ ପାଇଥିଲା । ତେବେ ବସ ନୂଆ ନାଁରେ ଚାଲିବ ବୋଲି ମନ୍ତ୍ରୀ କହିଛନ୍ତି ।
Powered by Froala Editor
