ଇଣ୍ଡୋନେସିଆରେ ଜଣେ ମହିଳାଙ୍କୁ ଏକ ୧୬ ଫୁଟ ଲମ୍ବ ଅଜଗର ସାପ ଗିଳି ଦେଇଛି। ପରେ ଗ୍ରାମବାସୀ ଅଜଗରର ପେଟ କାଟି ମହିଳାଙ୍କ ମୃତଦେହ ବାହାର କରିଥିଲେ। ଶନିବାର ସ୍ଥାନୀୟ ଅଧିକାରୀମାନେ ଏ ସମ୍ପର୍କରେ ସୂଚନା ଦେଇଛନ୍ତି। ୩ ଦିନ ଧରି ନିଖୋଜ ରହିବା ପରେ ମହିଳାଙ୍କ ମୃତଦେହ ଏକ ଅଜଗର ପେଟରୁ ବାହାରିଛି।

ଘଟଣାଟି ଇଣ୍ଡୋନେସିଆର ଦକ୍ଷିଣ ସୁଲାୱେସି ପ୍ରଦେଶ ଅନ୍ତର୍ଗତ କାଲେମପାଙ୍ଗ ଗ୍ରାମର। ଗାଁର ମୁଖ୍ୟ ସୁଆର୍ଡି ରୋଜି କହିଛନ୍ତି ଚାରି ସନ୍ତାନଙ୍କ ମା’ ଫରିଦା ଗୁରୁବାର ରାତିରେ ନିଖୋଜ ହୋଇଯାଇଥିଲେ ଏବଂ ଘରକୁ ଫେରି ନଥିଲେ। ପରେ ତାଙ୍କ ସ୍ୱାମୀ ଏବଂ ଗାଁର ଲୋକମାନେ ତାଙ୍କୁ ଖୋଜିବା ଆରମ୍ଭ କରିଥିଲେ। ଖୋଜାଖୋଜି ସମୟରେ ମହିଳାଙ୍କ ସ୍ୱାମୀ ତାଙ୍କର କିଛି ଜିନିଷ ପାଇଥିଲେ, ଯେଉଁଥିପାଇଁ ସେ କିଛି ଅଜଣା ସନ୍ଦେହ କରିଥିଲେ।

ଯେତେବେଳେ ଗ୍ରାମବାସୀ ଏହି ଅଞ୍ଚଳ ଖୋଜିବା କରିବା ଆରମ୍ଭ କଲେ ସେମାନେ ୧୬ ଫୁଟ ଲମ୍ବର ଅଜଗର ସେଠାରେ ଥିବା ଦେଖିଥିଲେ। ଅଜଗରର ପେଟ ଫୁଲି ଯାଇଥିବା ଦେଖିବାକୁ ମିଳିଥିଲା । ଗ୍ରାମବାସୀ ଅଜଗରକୁ ଧରି ପେଟ କାଟିଥିଲେ। ସେମାନେ ପେଟ କାଟିବା ଆରମ୍ଭ କରିବା ମାତ୍ରେ ସେମାନେ ପ୍ରଥମ ଦେଖିଲେ ୪୫ ବର୍ଷିୟା ଫରିଦାଙ୍କ ମୁଣ୍ଡ ଦେଖାଯାଉଛି। ଏହା ପରେ ଫରିଦାର ମୃତଦେହ ଅଜଗର ପେଟ ଭିତରେ ପୁରା ପୋଷାକ ପିନ୍ଧି ରହିଥିବାର ଦେଖିବାକୁ ମିଳିଥିଲା। ଅଜଗର ପେଟରୁ ମହିଳାଙ୍କୁ ବାହାର କରାଯାଇଥିଲା। ସେତେବେଳକୁ ତାଙ୍କର ମୃତ୍ୟୁ ଘଟିସାରିଥିଲା।

Powered by Froala Editor