‘ଏମ୍ପ୍ରେସ୍’ ସହ ସେଲ୍ଫି ନେଉ ନେଉ ଚାଲିଗଲା ଜୀବନ
ସେଲ୍ଫି ଓ ରିଲ୍ସ କରିବାରେ ପାଗଳପ୍ରାୟ ହୋଇଗଲେଣି ବୁଢ଼ାଠୁ ପିଲା ଯାଏ । ତେବେ ପୁଣି ଏକ ଦୁର୍ଘଟଣାରେ ଜୀବନ ଯାଇଛି ଜଣେ ମହିଳାଙ୍କର । ମହିଳା ଟ୍ରେନ୍ ଆସୁଥିବାବେଳେ ସେଲ୍ଫି ନେଉଥିଲେ । ଟ୍ରେନ ଏତେ ତୀବ୍ର ଥିଲାଯେ, କ୍ଷଣିକରେ ମହିଳାଙ୍କ ମୁଣ୍ଡ ମାଡ ହୋଇ ଜୀବନ ଚାଲିଗଲା । ମେକ୍ସିକୋରେ ଘଟିଛି ଏଭଳି ହୃଦୟଥରା ଘଟଣା, ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ସୂଚନା ଅନୁଯାୟୀ, କିଛି ଲୋକ ହିଡାଲ୍ଗୋ ନିକଟରେ ଷ୍ଟିମ୍ ଇଞ୍ଜିନ ସହିତ ଆସୁଥିବା ଏକ ଭିଣ୍ଟେଜ୍ ଟ୍ରେନ ସହ ଫଟୋ କ୍ଲିକ୍ କରିବାକୁ ଏକାଠି ହୋଇଥିଲେ। ଏହି ସମୟରେ ମହିଳା ଜଣକ ‘ଏମ୍ପ୍ରେସ୍’ ଟ୍ରେନ୍ ସହିତ ସେଲଫି ନେବା ପାଇଁ ଚେଷ୍ଟା କରୁଥିବାବେଳେ ଟ୍ରାକର ଅତି ନିକଟତର ହୋଇଥିଲେ । ସେଲଫି ନେବା ନିଶାରେ ସେ ଅତି ପାଖକୁ ଚାଲିଆସିଥିବାବେଳେ ଟ୍ରେନର ସାମ୍ନା ପାଖ ତାଙ୍କ ମୁଣ୍ଡରେ ବାଜିବାରୁ ତାଙ୍କର ମୃତ୍ୟୁ ହୋଇଥିବା ଜଣାପଡିଛି । ଏହି ଘଟଣାର ଭିଡିଓ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି।
Powered by Froala Editor
