ପୁଣେ ପୋର୍ସେ କାର୍ ଦୁର୍ଘଟଣା ଘଟାଇଥିବା ନାବାଳକ ପୁଲିସ ଆଗରେ ସତ ମାନିଛନ୍ତି। ନାବାଳକ ଅଭିଯୁକ୍ତ କାର ଚଳାଉଥିବା ବେଳେ ମଦ୍ୟପାନ କରିଥିବା ପ୍ରକାଶ କରିଛି। ପୁଲିସର ପଚରାଉଚରା ବେଳେ ନାବଳକ ଜଣକ ଦୁର୍ଘଟଣା ନେଇ ସମ୍ପୂର୍ଣ୍ଣ ଘଟଣା ମନେ ନଥିବା କହିଛନ୍ତି। ଅନ୍ୟପକ୍ଷେ ଅଭିଯୁକ୍ତ ମା’, ବାପାଙ୍କୁ ପୁଲିସ ଗିରଫ କରିଛି। ପୁଣେ କୋର୍ଟ ରବିବାର ପ୍ରମାଣ ନଷ୍ଟ କରିବା ଅଭିଯୋଗରେ ଅଭିଯୁକ୍ତଙ୍କ ବାପା ବିଶାଲ ଅଗ୍ରୱାଲ ଏବଂ ମା’ ଶିବାନୀ ଅଗ୍ରୱାଲକୁ ଜୁନ ୫ତାରିଖ ପର୍ଯ୍ୟନ୍ତ ପୁଲିସ ହେପାଜତକୁ ପଠାଇଛନ୍ତି।

ନାବାଳକଙ୍କ ଦୋଷ ଲୁଚାଇବା ପାଇଁ ପରିବାର ବର୍ଗ ଏକାଧିକ ମିଛ କହୁଥିବା ବେଳେ ପୁଲିସକୁ ସତ କହିଛନ୍ତି ଅଭିଯୁକ୍ତ। ପଚରାଉଚରା ବେଳେ ନାବାଳକ ଆହୁରି କହିଛନ୍ତି, ସେ ଦୁର୍ଘଟଣା ରାତିର ସମସ୍ତ ଘଟଣାକୁ ସମ୍ପୂର୍ଣ୍ଣ ଭାବେ ମନେ ରଖି ନାହାନ୍ତି।

ପ୍ରକାଶ ଥାଉକି, ମେ ୧୯ରେ ଘଟିଥିବା ପୁଣେ ଦୁର୍ଘଟଣାକୁ ନେଇ କିଛି ଦିନ ହେବ ବେଶ୍ ଚର୍ଚ୍ଚା ହୋଇଆସୁଛି। ଏଥିରେ ଦୁଇ ଜଣ ଆଇଟି ଇଞ୍ଜିନିୟରଙ୍କ ମୃତ୍ୟୁ ଘଟିଥିବା ବେଳେ ଦୁର୍ଘଟଣା ଘଟାଇଥିବା ପୋର୍ସେ କାର୍ ଡ୍ରାଇଭର ହେଉଛନ୍ତି ଜଣେ ନାବାଳକ। ନାବଳକ ଜଣକ ପୁଣେର ଜଣେ ବ୍ୟବସାୟୀଙ୍କ ପୁଅ। ପୁଅକୁ ବଞ୍ଚଇବାକୁ ଯାଇ ଧନୀ ପରିବାର ଡ୍ରାଇଭର ମୁଣ୍ଡରେ ଦୋଷ ଲଦି ଦେବାକୁ ଉଦ୍ୟମ କରୁଥିବା ଅଭିଯୋଗ ହୋଇଥିଲା।

Powered by Froala Editor