ବୁଥ ଆଗରେ ଶିବଶଙ୍କର-ପ୍ରଦୀପ ପାଣିଗ୍ରାହୀ ହାତାହାତି

ରାଜ୍ୟର ପ୍ରଥମ ପର୍ଯ୍ୟାୟ ମତଦାନରେ ବହୁ ବାଦ ବିବାଦ ଦେଖିବାକୁ ମିଳିଛି । ତେବେ ବ୍ରହ୍ମପୁରରେ ମତଦାନ ଜାରି ରହିଥିବା ବେଳେ ୨ ପ୍ରାର୍ଥୀଙ୍କ ମଧ୍ୟରେ ହାତାହାତି ହୋଇଥିବା ଘଟଣା ସାମନାକୁ ଆସିଛି । ଗୋଷାଣୀ ନୂଆଗାଁ ଉତ୍କଳମଣି ୟୁପି ସ୍କୁଲ ବୁଥ ଆଗରେ ହାତାହାତି ହୋଇଛନ୍ତି ବିଜେପି ନେତା ପ୍ରଦୀପ ପାଣିଗ୍ରାହୀ ଏବଂ ସ୍ୱାଧୀନ ପ୍ରାର୍ଥୀ ଶିବଶଙ୍କର ଦାସ । ଏହି ଆକ୍ରମଣରେ ପ୍ରଦୀପ ପାଣିଗ୍ରାହୀ ସାମାନ୍ୟ ଆହତ ସୂଚନା ମିଳିଛି। ଅନ୍ୟପଟେ, ଶିବଶଙ୍କର ଦାସ ଗୋଷାଣୀ ନୂଆଗାଁ ଥାନାରେ ଅଟକ ଅଛନ୍ତି। ଯାହା ପରେ ଥାନା ଆଗରେ ଶିବଶଙ୍କରଙ୍କ ସମର୍ଥକଙ୍କ ହୋହଲ୍ଲା କରିଛନ୍ତି।
ସୂଚନା ଅନୁସାରେ, ବ୍ରହ୍ମପୁର ଗୋଷାଣୀ ନୂଆଗାଁର ବୁଥ ନମ୍ବର ୧୩୩ ଏବଂ ୧୩୪ରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି । ବୁଥ ସମ୍ମୁଖରେ ପ୍ରଦୀପ ଏବଂ ଶିବଶଙ୍କରଙ୍କ ମଧ୍ୟ ରେ କଥା କଟାକଟି ହେବାରୁ ଏହି ଘଟଣା ହାତାହାତି ପର୍ଯ୍ୟନ୍ତ ପହଞ୍ଚିଛି । ଶିବଶଙ୍କର ପ୍ରଦୀପଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ଏହି ଆକ୍ରମଣରେ ପ୍ରଦୀପ ପାଣିଗ୍ରାହୀ ଆହତ ମଧ୍ୟ ହୋଇଛନ୍ତି । ତାଙ୍କ ବେକ ଏବଂ ଛାତିରେ ଆଘାତ ଲାଗିଥିବା ଜାଣିବାକୁ ମିଳିଛି । ସେପଟେ ଏହି ମାମଲା ଥାନାରେ ପହଞ୍ଚିବା ପରେ ବିଧାୟକ ପ୍ରାର୍ଥୀ ଶିବଶଙ୍କରଙ୍କୁ ଅଟକ ରଖିଛି ଗୋଷାଣୀ ନୂଆଗାଁ ଥାନା ପୋଲିସ ।
Powered by Froala Editor