ବିବାହର ୧୬ ବର୍ଷ ପରେ ପତ୍ନୀଙ୍କୁ ଛାଡପତ୍ର ଦେଇଛନ୍ତି ସେଫ୍ କୁନାଲ କପୁର । ସେ ପତ୍ନୀଙ୍କ ଦୁର୍ବ୍ୟବହାରରେ ଅତିଷ୍ଠ ହୋଇ ଏତେ ବଡ ନିଷ୍ପତ୍ତି ନେଇଥିବା କହିଛନ୍ତି । କୁନାଲ କହିଛନ୍ତି, ‘ସ୍ତ୍ରୀ ଏକତା କେବେ ବି ମୋ ପରିବାରର କୌଣସି ସଦସ୍ୟଙ୍କ ସହିତ ଭଲ ବ୍ୟବହାର ଦେଖାଇ ନାହାନ୍ତି। ମୋତେ ସବୁବେଳେ ନିଚା ଦେଖାଇବାକୁ ଚେଷ୍ଟା କରିଥାଆନ୍ତି।’

କୁନାଲଙ୍କ ସ୍ତ୍ରୀ ଏକତା କପୁର ନିଜର ସଫେଇ ଦେଇ କହିଥିଲେ, ମୁଁ କର୍ତ୍ତବ୍ୟ ପାଳନ କରିଛି। କିନ୍ତୁ କୁନାଲ ଓ ତାଙ୍କ ପରିବାର ମୋତେ ପସନ୍ଦ କରନ୍ତି ନାହିଁ। ତେଣୁ ‌ସେମାନେ ମୋ ଠାରୁ ଅଲଗା ହେବାକୂ ଚାହୁଁଛନ୍ତି।  

କୋର୍ଟ ଶୁଣାଣି ସମୟରେ ଏକତା କୁନାଲଙ୍କ ବିରୋଧରେ ଆଣିଥିବା କୌଣସି ପ୍ରମାଣ ସତ ସାବ୍ୟସ୍ତ ହେଲାନାହିଁ । ଶେଷରେ କୋର୍ଟ କୁନାଲଙ୍କ ପକ୍ଷ ନେଇ ନିଷ୍ପତ୍ତି ଶୁଣାଇ ଛାଡ଼ପତ୍ର ଘୋଷଣା କରିଥିଲେ।

ସେଫ କୁନାଲ କପୁର ଏବେ ୪୪ବର୍ଷ ବୟସରେ ପ୍ରଦାର୍ପଣ କରିଥିବା ବେଳେ ଦିଲ୍ଲୀରେ ବସବାସ କରୁଛନ୍ତି। ପିଲାଟି ଦିନରୁ ଖାଦ୍ୟ ପ୍ରସ୍ତୁତ ପ୍ରତି ତାଙ୍କର ରୁଚି ଥିବାରୁ ସେ ଏହି ଦିଗରେ କ୍ୟାରିୟର ଗଢ଼ି ଚାଲିଛନ୍ତି।  ୨୦୦୮ରେ କୁନାଲ ଏକତା କୁପରଙ୍କୁ ବିବାହ କରିଥିଲେ। ବିବାହର ଚାରିବର୍ଷ ପରେ ୨୦୧୨ରେ କୁନ‌ାଲ ପୁତ୍ର ସନ୍ତାନର ବାପା ହୋଇଥିଲେ। ଏହାପରେ ସ୍ବାମୀ-ସ୍ତ୍ରୀ ସମ୍ପର୍କ‌ରେ ତିକ୍ତତା ଦେଖା ଦେଇଥିଲା। କୁନାଲ ଦିଲ୍ଲୀ ହାଇକୋର୍ଟରେ ସ୍ତ୍ରୀଙ୍କ ଠାରୁ ଛାଡ଼ପତ୍ର ଚାହୁଁଥିବା ନେଇ ଏକ ଆବେଦନ କରିଥିଲେ।

Powered by Froala Editor