ଭୁବନେଶ୍ବର : ନିଜ ଗାୟନ ଶୈଳୀରେ ସମସ୍ତଙ୍କୁ କିମିଆ କରନ୍ତି ଓଲିଉଡର ଲୋକପ୍ରିୟ  କଣ୍ଠଶିଳ୍ପୀ  ତପୁ ମିଶ୍ର । ତାଙ୍କ ସୁମଧୁର କଣ୍ଠର ସଙ୍ଗୀତ ସମସ୍ତଙ୍କୁ ବିମୋହିତ କରେ । ତେବେ କଣ୍ଠଶିଳ୍ପୀ ତପୁ ମିଶ୍ରଙ୍କ ସ୍ବାସ୍ଥ୍ୟବସ୍ଥା ଏବେ ଭଲ ନାହିଁ ।  କିଛି ଦିନ ପୂବରୁ ସେ କରୋନା ସଂକ୍ରମିତ ହୋଇଥିଲେ । ତାଙ୍କ ସ୍ବାସ୍ଥ୍ୟବସ୍ଥା ଅଧିକ ବିଗିଡିବାରୁ ତାଙ୍କୁ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଭର୍ତ୍ତୀ କରାଯାଇଥିଲା । ସେଠାରେ ଆଇସିୟୁରେ ତାଙ୍କର ଚିକିସ୍ବା ଜାରି ରହିଛି । ତେବେ ତାଙ୍କର ଅକ୍ସିଜେନ ଲେବୁଲ ହ୍ରାସ ପାଉଥିବାରୁ ତାଙ୍କର ସ୍ବାସ୍ଥ୍ୟବସ୍ଥା ଅଧିକ ଗୁରୁତର ହୋଇ ପଡିଛି । ତାଙ୍କ ପରିବାର ସଦସ୍ୟଙ୍କ ଠାରୁ ଆରମ୍ଭ କରି ଫ୍ୟାନ୍ସ, ଓ ତାଙ୍କ ଶୁଭଚିନ୍ତକ ମାନେ ତାଙ୍କର ଆରୋଗ୍ୟ କାମନା କରୁଛନ୍ତି । ଠିକ ସେହିଭଳି ଓଲିଉଡର ବରିଷ୍ଠ ଅଭିନେତ୍ରୀ ମହେଶ୍ବତା ରାୟ ,ଫେସବୁକରେ, କଣ୍ଠଶିଳ୍ପୀ ତପୁ ମିଶ୍ରଙ୍କ ପାଇଁ ଭଗବାନଙ୍କ ନିକଟରେ ପ୍ରାର୍ଥନା କରିବାକୁ ନିବେଦନ କରିଛନ୍ତି । କେବଳ ମହେଶ୍ବତା ରାୟ ନୁହଁନ୍ତି , ତାଙ୍କ ସମେତ ପ୍ରଖ୍ୟାତ ଓଡିଶୀ ନୃତ୍ୟଶିଳ୍ପୀ ଶାସ୍ବତ ଯୋଶୀ, ଅଭିନେତା ବୁଦ୍ଧାଦିତ୍ୟ ମହାନ୍ତି ,ସିଙ୍ଗର ସତ୍ୟଜିତ୍ ମହାନ୍ତି ଭଳି ଅନେକ କଳାକାର ତାଙ୍କର ଆରୋଗ୍ୟ କାମନା କରିଛନ୍ତି । ତେବେ ତପୁ ମିଶ୍ର ଖୁବ୍ ଶୀଘ୍ର ସୁସ୍ଥ ହୋଇ ଘରକୁ ଫେରନ୍ତୁ । ଏବଂ ପୁଣି ଥରେ ନିଜ ସ୍ବରର ଯାଦୁରେ ଦର୍ଶକଙ୍କ ହୃଦୟକୁ ବାନ୍ଧି ରଖନ୍ତୁ । ଏହାହିଁ ଭଗବାନଙ୍କ ପାଖରେ କାମନା ।

Powered by Froala Editor