ରାଜନୀତିରେ ଏଣ୍ଟ୍ରି କରିବେ କି ନେହା !
କଳା ଜଗତରେ ପରିଚୟ ହାସଲ କରିବା ପରେ ଏବେ ରାଜନୀତିରେ ପାଦ ଥାପିବାକୁ ଯାଉଛନ୍ତି ନେହା ଶର୍ମା । ବିହାରର ଭାଗଲପୁରରୁ କଂଗ୍ରେସ ବିଧାୟକ ଥିବା ଅଜିତ ଶର୍ମା ଝିଅ ନେହାଙ୍କର ରାଜନୀତିରେ ପ୍ରବେଶ ନେଇ ସଙ୍କେତ ଦେଇଛନ୍ତି। ନେହା ଲୋକସଭା ନିର୍ବାଚନ ଲଢିବା ବିଷୟରେ ଅଜିତ ଶର୍ମା ଖୋଲାଖୋଲି ଭାବେ କଥା ହୋଇଛନ୍ତି।
ଅଜିତ ଶର୍ମା କହିଛନ୍ତି ଯେ, ସେ ଏବଂ କଂଗ୍ରେସ ଦଳ ଚାହୁଁଛନ୍ତି ଯେ ନେହା ଆସନ୍ତା ଲୋକସଭା ନିର୍ବାଚନ ଲଢନ୍ତୁ। କିନ୍ତୁ ନେହା କହିଛନ୍ତି ''ମୁଁ ନେହା ସହ ଏ ବିଷୟରେ ଆଲୋଚନା କରିଛି, କିନ୍ତୁ ସେ ବିଭିନ୍ନ କାର୍ଯ୍ୟକ୍ରମ ଓ ଶୁଟିଂରେ ଖୁବ୍ ବ୍ୟସ୍ତ ରହୁଛି। ଏଥର ନିର୍ବାଚନ ଲଢିପାରିବି ନାହିଁ। ପାଞ୍ଚ-ଛଅ ମାସ ପୂର୍ବରୁ କହିଥିଲେ ମୁଁ ନିଶ୍ଚିତ ନିର୍ବାଚନ ଲଢିଥା'ନ୍ତି।''
ସୂଚନାଯୋଗ୍ୟ, ନେହା ଶର୍ମା ୨୦୧୦ରେ ଇମ୍ରାନ ହାସମୀଙ୍କ ସହ 'କ୍ରୁକ୍' ଚଳଚ୍ଚିତ୍ର ଜରିଆରେ ବଲିଉଡ଼ରେ ପାଦ ଥାପିଥିଲେ। ଏହାପରେ ସେ ୨୦୧୩ରେ ଆସିଥିବା 'ୟମଲା ପଗଲା ଦିୱାନା ୨' ଓ ୨୦୨୦ରେ ଆସିଥିବା ଅଜୟ ଦେବଗନଙ୍କ 'ତାନାଜୀ' ଆଦି ଚଳଚ୍ଚିତ୍ରରେ କାମ କରିଥିଲେ ।
Powered by Froala Editor
