ଜିପ ଉପରୁ ଫ୍ୟାନଙ୍କୁ ଧକ୍କା ମାରି ଚର୍ଚ୍ଚାରେ ଜୟା
କୋଲକାତା : ମମତା ବାନାର୍ଜୀଙ୍କ ତୃଣମୂଳ କଂଗ୍ରେସ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି ସମାଜବାଦୀ ପାର୍ଟି ସାଂସଦ ଜୟା ବଚ୍ଚନ । ଗୋଟିଏ ପଟେ ସେ ବିଜେପି ଉପରେ ଖୁବ ବର୍ଷୁଥିବାବେଳେ ଅପରପକ୍ଷରେ ତାଙ୍କର ଏକ କାରନାମା ଭାଇରାଲ ହୋଇଛି । ତାଙ୍କର ଜଣେ ଫ୍ୟାନ ଜିପ ଉପରେ ଚଢ଼ି ସେଲଫି ନେଉଥିବାବେଳେ ସେ ଧକ୍କା ମାରି ତଳକୁ ପେଲିଦେଇଛନ୍ତି । ଯାହା ଏବେ ବେଶ ଚର୍ଚ୍ଚା ସୃଷ୍ଟି କରିଛି ।
ଜୟା ବଚ୍ଚନ ନିକଟରେ ହାୱଡ଼ା ଓ ଶିବପୁରରେ ରୋଡ଼ଶୋ’ କରୁଥିଲେ । ସେହି ସମୟରେ ତାଙ୍କର ଜଣେ ଫ୍ୟାନ ତାଙ୍କ ସହ ସେଲଫି ନେବାକୁ ଚେଷ୍ଟା କରିଥିଲେ । ଜିପ ଉପରେ ଚଢ଼ି ତାଙ୍କର ଫ୍ୟାନ ସେଲଫି ନେଉଥିବାବେଳେ ଜୟା ରାଗି ଯାଇଥିଲେ । ସେ ତାଙ୍କୁ ଧକ୍କା ମାରିଥିଲେ । ଏହି ଭିଡ଼ିଓ ଭାଇରାଲ ହେବା ପରେ ବେଶ ଚର୍ଚ୍ଚା ହେଉଥିବାବେଳେ କରୋନା ପାଇଁ ସେ ରାଗିଥିବାରୁ ଏଭଳି କରିଥିବାନେଇ ତାଙ୍କର ସମର୍ଥକମାନେ ମତ ପ୍ରକାଶ କରିଛନ୍ତି ।
