ବ୍ରଶ୍ କରିବାର ୨୦ ମିନିଟ୍ ଯାଏ କୌଣସି ଖାଦ୍ୟ ଖାଆନ୍ତୁ ନାହିଁ
![ବ୍ରଶ୍ କରିବାର ୨୦ ମିନିଟ୍ ଯାଏ କୌଣସି ଖାଦ୍ୟ ଖାଆନ୍ତୁ ନାହିଁ](https://odishanewslens.com/news_gallery/28566_1709983193.jpg)
ସମସ୍ତେ ପ୍ରତିଦିନ ଦାନ୍ତ ଘଷିଥାନ୍ତି । ଏହାପରେ ହିଁ କେହି ଖାଦ୍ୟ ଖାଇଥାନ୍ତି । କିନ୍ତୁ କିଛି ଲୋକ ଏପରି ଅଛନ୍ତି ଯିଏକି ଦାନ୍ତ ଘଷୁ ଘଷୁ କିଛି ନା କିଛି ଖାଇଥାନ୍ତି । କିନ୍ତୁ ଏହା କେତେ ଛିକ୍ ? ଦାନ୍ତ ଘଷିବାର ସାଙ୍ଗେ ସାଙ୍ଗେ ଖାଇବା ଉଚିତ୍ କି ନୁହେଁ ? ଆସନ୍ତୁ ଜାଣିବାଟ୍ଟ ବିଶେଷଜ୍ଞଙ୍କ ଅନୁଯାୟୀ ଦାନ୍ତ ଘଷିବାର ତୁରନ୍ତ ପରେ ଖାଇବା ଉଚିତ୍ ନୁହେଁ । ଏପରି କରିବା ଦ୍ୱାରା ଦାନ୍ତ ମାଢ଼ି ଉପରେ ପ୍ରଭାବ ପଡ଼ିଥାଏ । ଏହାବ୍ୟତୀତ ଦାନ୍ତ ସହ ଜଡ଼ିତ ଅନେକ ସମସ୍ୟା ସୃଷ୍ଟି ହୋଇଥାଏ ।
ଦାନ୍ତ ଘଷିବା ପରେ ଦାନ୍ତରେ ଥିବା ଏସିଡ୍ ଦୂର ହୋଇଥାଏ । ମାଢ଼ି ଓ ଦାନ୍ତରେ ଭୋଜନର ଅଂଶ ଓ ବ୍ୟାକ୍ଟେରିଆ ଦୂର ହୋଇଯାଇଥାଏ । ଏହି ପ୍ରକ୍ରିୟା ଦ୍ୱାରା ଦାନ୍ତର ଉପର ଅଂଶ ଓ ମାଢ଼ି ପରିଷ୍କାର ହୋଇଥାଏ । ଫଳରେ ତୁରନ୍ତ ଖାଦ୍ୟ ଖାଇବା ଦ୍ୱାରା ମାଢ଼ି ଓ ଦାନ୍ତ ପାଇଁ ହାନିକାରକ ହୋଇଥାଏ ।
ଯାହା ଫଳରେ ତୁରନ୍ତ ଖାଦ୍ୟ ଖାଇଲେ ଦାନ୍ତର ଉପର ଅଂଶ ଓ ମାଢ଼ିରେ କୁପ୍ରଭାବ ପକାଏ । ଦାନ୍ତ ଦୁର୍ବଳ ହେବା ସହ ଅନେକ ରୋଗ ସୃଷ୍ଟି ହୋଇଥାଏ । ଦାନ୍ତର ଚମକ ହ୍ରାସ ପାଇ ହଳଦିଆ ଦେଖାଯାଏ । ମାଢ଼ିରେ ଯନ୍ତ୍ରଣା ହୋଇଥାଏ । ମିଠା, ଥଣ୍ଡା ଜାତୀୟ ଜିନିଷ ଖାଇବା ସମୟରେ ଏହି ଯନ୍ତ୍ରଣା ଅଧିକ ହୋଇଥାଏ ।
ବିଶେଷଜ୍ଞଙ୍କ ମତରେ ବ୍ରଶ୍ କରିବାର ୨୦ ମିନିଟ୍ ଯାଏ କୌଣସି ଖାଦ୍ୟ ଖାଆନ୍ତୁ ନାହିଁ । ଦାନ୍ତ ଘଷିବା ପରେ ପାଣି ପିଇପାରିବେ । ବ୍ରସ୍ କରିବାର ତୁରନ୍ତ ପରେ ରାଗୁଆ ଖାଦ୍ୟ, ଲୁଣିଆ ଖାଦ୍ୟ, ମସଲାଯୁକ୍ତ ଖାଦ୍ୟ ଖାଇବା ଦ୍ୱାରା କ୍ଷତିକାରକ ହୋଇଥାଏ । ଫଳରେ ମାଢ଼ିରେ ଯନ୍ତ୍ରଣା ଓ ଜଳାପୋଡ଼ା ହୋଇଥାଏ । ଏହାସହ ଚା’ କିମ୍ୱା ମୃଦୁ ପାନୀୟ ମଧ୍ୟ ତୁରନ୍ତ ପିଅନ୍ତୁ ନାହିଁ ।
Powered by Froala Editor