ଦାଉଦ ଇବ୍ରାହିମର ଭିଣୋଇ ନିହାଲ ଖାନଙ୍କୁ ଗୁଳି କରି ହତ୍ୟା
ଉତ୍ତରପ୍ରଦେଶର ଜଲାଲବାଦରେ ପୁତୁରା ବାହାଘରରେ ସାମିଲ ହେବାକୁ ଆସିଥିବା ଦାଉଦ ଇବ୍ରାହିମର ଭିଣୋଇ ନିହାଲ ଖାନଙ୍କୁ ଗୁଳି କରି ହତ୍ୟା କରାଯାଇଛି । ନିହାଲଙ୍କ ବୟସ ୩୫ବର୍ଷ ହେବ । ନିହାଲ ଖାନଙ୍କ ଘର ମୁମ୍ବାଇରେ। ସେ ଏଠାକୁ ତାଙ୍କ ପୁତୁରାଙ୍କ ବାହାଘର ଭୋଜି ପାଇଁ ଆସିଥିଲେ। ଭୋଜିରେ ଥିବା ବେଳେ ତାଙ୍କ ଉପରକୁ ଗୁଳିମାଡ଼ ହୋଇଥିଲା।
ସୂଚନା ଅନୁସାରେ ଦାଉଦ ଇବ୍ରାହିମର ଭାଇ ଇକବାଲ କାସକରର ଭିଣୋଇ ଥିଲା ନିହାଲ । ୨୦୧୬ରେ ଜଲାଲବାଦ ପୌରପାଳିକାର ଅଧ୍ୟକ୍ଷ ଶକିଲ ଖାନଙ୍କ ଭାଇ ଅକିଲ ଏବଂ ନିହାଲଙ୍କ ମଧ୍ୟରେ ବିବାଦ ଲାଗି ରହିଥିଲା । ନିହାଲ ଅକିଲଙ୍କ ଝିଅକୁ ଅପହରଣ କରି ନେଇ ମୁମ୍ବାଇରେ ରହୁଥିଲା । ଏହି ବିବାଦ କାରଣରୁ ହତ୍ୟାକାଣ୍ଡ ଘଟିଥିବା ଚର୍ଚ୍ଚା ହେଉଛି । ପୁଲିସ ଘଟଣାସ୍ଥଳରେ ପହଂଚି ଛାନଭିନ ଆରମ୍ଭ କରିଛି ।
Powered by Froala Editor
