ସେକ୍ସ ରାକେଟ୍ ଚଲାଉଥିବା ଅଭିଯୋଗ : ବିଜେପି ନେତା ସବ୍ୟସାଚୀ ଘୋଷ ଗିରଫ
ଲୋକସଭା ନିର୍ବାଚନ ପାଖେଇ ଆସୁଥିବା ବେଳେ ପଶ୍ଚିମବଙ୍ଗର ଜଣେ ବିଜେପି ନେତାଙ୍କ ବିରୁଦ୍ଧରେ ଆସିଛି ସଙ୍ଗୀନ ଅଭିଯୋଗ। ସେକ୍ସ ରାକେଟ୍ ଚଲାଉଥିବା ଅଭିଯୋଗରେ ପୁଲିସ ବିଜେପି ନେତା ସବ୍ୟସାଚୀ ଘୋଷଙ୍କୁ ଗିରଫ କରିଛି। ଏହି ମାମଲାରେ ୧୧ ଜଣ ଗିରଫ ହୋଇଥିବା ଶାସକ ଦଳ କହିଛି।
ରାଜ୍ୟର ସନ୍ଦେଶଖାଲିରେ ହୋଇଥିବା ମହିଳାଙ୍କ ଉପରେ ଅମାନୁଷିକ କାର୍ଯ୍ୟକୂ ନେଇ ଉତ୍ତେଜନମୂଳକ ସ୍ଥିତି ଥମି ନ ଥିବାବେଳେ ପୁଣି ଏ ଅଭିଯୋଗ ହୋଇଛି। ବିଜେପି ନେତା ସବ୍ୟସାଚୀ ଘୋଷ ନିଜ ହୋଟେଲରେ ସେକ୍ସ ରାକେଟ ଚଳାଉଥିବା ଅଭିଯୋଗ ଶାସକ ଟିଏମସି ପକ୍ଷରୁ ଅଣାଯାଇଛି।
ଟିଏମସି କହିଛି ଯେ, ବେଙ୍ଗଲ ପୁଲିସ ହାୱଡାର ସବ୍ୟସାଚୀ ଘୋଷଙ୍କ ହୋଟେଲରେ ଚାଲିଥିବା ଏକ ସେକ୍ସ ରାକେଟ ଉପରେ ଚଢାଉ କରିଛି। ବିଜେପି ମହିଳାଙ୍କୁ ସୁରକ୍ଷା ଦେଉ ନାହିଁ, ବରଂ ଦେହବେପାର ଦଲାଲମାନଙ୍କୁ ସୁରକ୍ଷା ଯୋଗାଉଥିବା ଟିଏମସି ଅଭିଯୋଗ କରିଛି।
Powered by Froala Editor
