ସୁନାପୁର ବେଳାଭୂମି ଅନ୍ତର୍ଜାତୀୟ ବ୍ଲୁ ଫ୍ଲାଗ ପୁରସ୍କାର ପାଇଁ ବିବେଚିତ
ବ୍ରହ୍ମପୁର: ଗଞ୍ଜାମ ଜିଲ୍ଲା ପାଇଁ ଖୁସି ଖବର । ଜିଲ୍ଲାର ସୁନାପୁର ବେଳାଭୂମିକୁ ୨୦୨୩-୨୪ ଅନ୍ତର୍ଜାତୀୟ ବ୍ଲୁ ଫ୍ଲାଗ ପୁରସ୍କାର ପାଇଁ ବିବେଚିତ । ଏଫଇଇ ସଂସ୍ଥା ପକ୍ଷରୁ ସର୍ଭେ କରାଯାଇଥିଲା । ୭୭ ଟି ଦେଶର ବେଳାଭୂମିର ସ୍ଥିତି ଉପରେ ସର୍ଭେ କରାଯାଇଥିଲା । ଏଭଳି ଖବର ଆସିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୁସି ଜାହିର କରିଛନ୍ତି ।
ଟୁଇଟ କରି ଗଞ୍ଜାମ ପାଇଁ ଏହା ଏକ ବଡ ଉପଲବ୍ଧି ନୋଲି ଉଲ୍ଲେଖ କରିବା ସହ ଖୁସି ବ୍ୟକ୍ତ କରିଛନ୍ତି । ସୁନାପୁର ବେଳାଭୂମି ଖୁବ କମ ସମୟ ମଧ୍ୟରେ ପର୍ୟ୍ୟଟକଙ୍କ ପସନ୍ଦ ଯୋଗ୍ୟ ହୋଇଛି । ଏଠାକାର ସ୍ୱଚ୍ଛତା, ସୁନ୍ଦର, ବିସ୍ତିର୍ଣ ବେଳାଭୂମି, ଜଳରାଶି ସମସ୍ତଙ୍କୁ ବେଶ ଆକୃଷ୍ଠ କରି ପାରିଛି । ବିଶେଷ ଶୀତ ଋତୁରେ ଏଠାକୁ ଅଧିକ ପର୍ୟ୍ୟଟକଙ୍କ ଆଗମନ ହେଉଛି. ଶାନ୍ତ ସୁନ୍ଦର ସ୍ଵଛ ପାଇଁ ଏହି ବ୍ଲୁ ଫ୍ଲାଗ ବେଳାଭୂମି ଏବେ ଅନ୍ତର୍ଜାତୀୟ ସ୍ତରରେ ସୁନାମ ଆଣିଛି । ଏଥିପାଇଁ ସବୁଠି ଖୁସିର ମାହୋଲ ଦେଖିବାକୁ ମିଳିଛି ।
Powered by Froala Editor
