ହାଇଦ୍ରାବାଦରେ ନୂଆ ହାଇକୋର୍ଟ ନିର୍ମାଣ ପାଇଁ ପ୍ରଫେସର ଜୟଶଙ୍କର ତେଲଙ୍ଗାନା ରାଜ୍ୟ କୃଷି ବିଶ୍ୱବିଦ୍ୟାଳୟର ଜମି ଆବଣ୍ଟନ ପାଇଁ ରାଜ୍ୟ ସରକାରଙ୍କ ନିଷ୍ପତ୍ତିକୁ ବିରୋଧ କରି ସଙ୍ଗଠନର କିଛି ଛାତ୍ରଛାତ୍ରୀ ବିକ୍ଷୋଭ ପ୍ରଦର୍ଶନ କରିଥିଲେ। ଏହାକୁ ଅଟକାଇବାକୁ ଯାଇ ଛାତ୍ରୀଙ୍କ ଚୁଟି ଧରି ଘୋଷାରି ନେଲା ପୁଲିସ। ଏଭଳି କିଛି ଦୃଶ୍ୟ ସାମ୍ନାକୁ ଆସିଛ ତେଲଙ୍ଗାନାରୁ। ଯାହାର ଭିଡିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।

ଛାତ୍ରୀ ଜଣକ ଅଖିଲ ଭାରତୀୟ ବିଦ୍ୟା ପରିଷଦ (ଏବିଭିପି), ବିଜେପି ତଥା ଆର୍‌ଏସଏସ୍‌ ସହ ଜଡିତ ଛାତ୍ର ସଂଗଠନ ସହ ଜଡିତ। ନୂଆ ହାଇକୋର୍ଟ ନିର୍ମାଣ ପାଇଁ ଜମି ଆବଣ୍ଟନରେ ରାଜ୍ୟ ସରକାରଙ୍କ ନିଷ୍ପତ୍ତିକୁ ବିରୋଧ କରି ସଙ୍ଗଠନର କିଛି ଛାତ୍ରଛାତ୍ରୀ ବିକ୍ଷୋଭ ପ୍ରଦର୍ଶନ କରିଥିଲେ। ଏହି ସମୟରେ ପୁଲିସ ଏମାନଙ୍କୁ ଅଟକାଇଥିଲା। ଏତିକି ବେଳେ ବିରୋଧ କରୁଥିବା ଜଣେ ଛାତ୍ରୀ ପୁଲିସକୁ ଦେଖି ଦୌଡିଥିଲେ। ସ୍କୁଟିରେ ବସି ଦୁଇ ମହିଳା ପୁଲିସ ଛାତ୍ରୀ ଜଣକର ପିଛା କରି ତାଙ୍କ ଚୁଟିକୁ ଧରି ଘୋଷାରି ନେଇଥିଲେ। ଫଳରେ ଛାତ୍ରୀ ଜଣକ ରାସ୍ତା ଉପରେ ପଡି ଯାଇଥିଲେ।  ଏହି ଘଟଣାର ଭିଡିଓ ସୋସିଆଲ ମିଡିଆରେ ପୋଷ୍ଟ ହୋଇଥିଲା।

ଭିଡିଓରେ ମହିଳା ପୁଲିସର ଏଭଳି କାମକୁ ଦେଖି ତୀବ୍ର ନିନ୍ଦା କରାଯିବା ସହିତ କ‌ୋଠର କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି।  ‌

Powered by Froala Editor