ସାମ୍ନାକୁ ଆସିଲା ରାମଲଲାଙ୍କ ତୃତୀୟ ମୂର୍ତ୍ତିର ଚିତ୍ର
ଅଯୋଧ୍ୟା ରାମ ମନ୍ଦିରରେ ସ୍ଥାପନ ହେବାକୁ ଥିବା ପ୍ରଭୁ ରାମଙ୍କ ତୃତୀୟ ପ୍ରତିମୂର୍ତ୍ତୀର ଝଲକ ସାମ୍ନାକୁ ଆସିଛି। ଏହି ମୂର୍ତ୍ତିର ରଙ୍ଗ କଳା। କୃଷ୍ଣ ଶିଳାରେ ଏହାକୁ ନିର୍ମାଣ କରାଯାଇଛି। ଏହି ଶିଳାକୁ କର୍ଣ୍ଣାଟକାର ମହୀଶୂରର ହେଗାଦାଦେବନକୋଟେ ଅଞ୍ଚଳର ଏକ ଜମିରୁ ସଂଗ୍ରହ କରାଯାଇଥିଲା।
ଏହି ମୂର୍ତ୍ତୀରେ ରାମଙ୍କୁ ଶିଶୁ ରୂପରେ ଦର୍ଶାଯାଇଛି। ବେଙ୍ଗାଲୁରୁର ମୂର୍ତ୍ତି ଶିଳ୍ପୀ ଗଣେଶ ଭଟ୍ଟ ଏହି ପ୍ରତିମା ନିର୍ମାଣ କରିଛନ୍ତି। ଏହା ମନ୍ଦିର ପ୍ରାଙ୍ଗଣରେ ସ୍ଥାପନ କରାଯିବ। ତେବେ କେଉଁଠାରେ ତାହା ସ୍ଥାପନ କରାଯିବ ତାହା ଏଯାବତ ସ୍ପଷ୍ଟ ହୋଇନାହିଁ। ତୀର୍ଥଯାତ୍ରା କ୍ଷେତ୍ର କମିଟି ଦ୍ୱାରା ଏହି ନିଷ୍ପତ୍ତି ନିଆଯିବ।
ରାମ ମନ୍ଦିର ଗର୍ଭଗୃହ ଲାଗି ରାମଲାଲାଙ୍କ ତିନୋଟି ପ୍ରତିମା ନିର୍ମାଣ କରାଯାଇଥିଲା। ଏହି ତିନୋଟି ପ୍ରତିମୂର୍ତ୍ତୀ ମଧ୍ୟରେ ଏହା ହେଉଛି ତୃତୀୟ। ପୂର୍ବରୁ ଦ୍ୱିତୀୟରେ ଭଗବାନଙ୍କ ଧଳା ରଙ୍ଗର ପ୍ରତିମା ସାମ୍ନାକୁ ଆସିଥିଲା। ଏବେ ତୃତୀୟ ମୂର୍ତ୍ତୀରେ ମଧ୍ୟ ରାମଙ୍କୁ କଳା ରଙ୍ଗରେ ଦେଖାଯାଉଛି।
Powered by Froala Editor
