ପ୍ରାଣ ପ୍ରତିଷ୍ଠା ପରେ ବୃହତ ଜଟାୟୁ ମୂର୍ତ୍ତି ଉନ୍ମୋଚନ
ଅଯୋଧ୍ୟାରେ ନବନର୍ମିତ ଶ୍ରୀରାମ ମନ୍ଦିରରେ ରାମଲଲ୍ଲାଙ୍କ ପ୍ରାଣ ପ୍ରତିଷ୍ଠା ହୋଇଛି । ଏହି ସମାରୋହର ସମସ୍ତ ରୀତିନୀତି ଶେଷ କରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଯୋଧ୍ୟାର ରାମ ମନ୍ଦିର ପରିସରରେ ଥିବା କୁବେର ଟିଲାରେ ପହଞ୍ଚିଥିଲେ। ପ୍ରଧାନମନ୍ତ୍ରୀ ଏଠାରେ ଥିବା ଶିବ ମନ୍ଦିରରେ ଭଗବାନ ଶିବଙ୍କୁ ପୂଜାର୍ଚ୍ଚନା କରିବା ସହ ଜଟାୟୁଙ୍କ ମୂର୍ତ୍ତି ଉନ୍ମୋଚନ କରିଥିଲେ ।
ସମସ୍ତେ ଭଲ ଭାବରେ ଜାଣିଛୁ କି ରାମାୟଣରେ ଜଟାୟୁ ପକ୍ଷୀର ଭୂମିକା କେତେ ମହତ୍ତ୍ୱପୂର୍ଣ୍ଣ ଥିଲା । ରାବଣ ମାତା ସୀତାଙ୍କୁ ଅପହରଣ କରି ନେଉଥିବା ବେଳେ ଜଟାୟୁ ରାବଣ ସହ ଲଢି ନିଜର ପ୍ରାଣ ବଳି ଦେଇଥିଲା । କିନ୍ତୁ ଯିବା ପୂର୍ବରୁ ପ୍ରଭୁଙ୍କୁ ମାତା ସୀତାଙ୍କ ସନ୍ଦେଶ ଦେଇଯାଇଥିଲା । ପ୍ରଭୁଙ୍କ ସେବାରେ ଜଟାୟୁ ପକ୍ଷୀର ମହାନତା କାଳଜୟୀ ହୋଇ ରହିଛି । ତେଣୁ ରାମ ମନ୍ଦିର ପରିସରରେ ଜଟାୟୁ ମୂର୍ତ୍ତି ନିର୍ମାଣ କରାଯାଇ ପ୍ରଭୁଙ୍କ ପ୍ରତି ସେହି ସମର୍ପଣ ଭାବକୁ ପୁଣି ଜୀବନ୍ତ କରିଦିଆଯାଇଛି ।
ଏହି ସମୟରେ ପ୍ରଧାନମନ୍ତ୍ରୀ ମୋଦୀ ଅଯୋଧ୍ୟାରେ ରାମ ମନ୍ଦିର ନିର୍ମାଣରେ ନିୟୋଜିତ ଶ୍ରମିକମାନଙ୍କୁ ଫୁଲ ବର୍ଷା କରିଥିଲେ।
Powered by Froala Editor
