କ୍ୟାନ୍ସରରେ ସଙ୍ଗୀତ ସମ୍ରାଟ ଉସ୍ତାଦ ରଶିଦ ଖାନଙ୍କ ପରଲୋକ
![କ୍ୟାନ୍ସରରେ ସଙ୍ଗୀତ ସମ୍ରାଟ ଉସ୍ତାଦ ରଶିଦ ଖାନଙ୍କ ପରଲୋକ](https://odishanewslens.com/news_gallery/27202_1704832059.jpg)
ଦୀର୍ଘ ବର୍ଷ ଧରି କ୍ୟାନ୍ସର ସହ ଲଢ଼େଇରେ ହାରି ଯାଇଛନ୍ତି ଖ୍ୟାତନାମା ଗାୟକ ଉସ୍ତାଦ ରଶିଦ ଖାନ୍ । କୋଲକାତାର ଏକ ଡାକ୍ତରଖାନାରେ ତାଙ୍କର ଚିକିତ୍ସା ଜାରି ରହିଥିବା ବେଳେ ମଙ୍ଗଳବାର ସେ ଆଖି ବୁଜିଛନ୍ତି। ମୃତ୍ୟୁ ବେଳକୁ ତାଙ୍କୁ ୫୫ ବର୍ଷ ହୋଇଥିଲା।
ସୂଚନା ମୁତାବକ, ସ୍ୱାସ୍ଥ୍ୟ ବିଗିଡ଼ିବା କାରଣରୁ ସଙ୍ଗୀତ ସମ୍ରାଟଙ୍କୁ ଗତ ନଭେମ୍ବର ମାସ ୨୨ ତାରିଖରେ କୋଲକତାର ଏସଏସକେଏମ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେ କର୍କଟ ରୋଗରେ ପୀଡ଼ିତ ଥିବା ଜଣାପଡ଼ିଥିଲା । ଶେଷରେ ସେ ଜୀବନ ଯୁଦ୍ଧରେ ହାରିଯାଇଥିଲେ ।
ଉତ୍ତରପ୍ରଦେଶରେ ରଶିଦ ଜନ୍ମଲାଭ କରିଥିଲେ। ସେ ପ୍ରାରମ୍ଭିକ ସଙ୍ଗୀତ ଶିକ୍ଷା ଜେଜେବାପା ଉସ୍ତାଦ ନାସିର ହୁସୈନ ଖାନଙ୍କଠାରୁ ଗ୍ରହଣ କରିଥିଲେ। ସେ ଉସ୍ତାଦ ଗୁଲାମ ମୁସ୍ତଫା ଖାଦଙ୍କ ଭଣଜା ଥିଲେ। ୨୦୦୪ରେ ସେ ସୁବାଷ ଘାଇଙ୍କ ଚଳଚ୍ଚିତ୍ର 'କିସ୍ନା'ରୁ କ୍ୟାରିୟର ଆରମ୍ଭ କରିଥିଲେ। ଏହାପରେ ୨୦୦୭ରେ ଆସିଥିବା ଶାହିଦ କପୁରଙ୍କ ଚଳଚ୍ଚିତ୍ର 'ଜବ୍ ଓ୍ବି ମେଟ୍' ତାଙ୍କୁ ଲୋକପ୍ରିୟ କରାଇଥିଲା। 'ଆଓଗେ ଜବ୍ ତୁମ୍ ସାଜନା' ତାଙ୍କୁ ଘରେ ଘରେ ପରିଚିତ କରାଇଥିଲା। ଏହାଛଡ଼ା ସେ 'ମାଇ ନେମ୍ ଇଜ୍ ଖାନ୍, ମୌସମ୍, ଶାଦି ମେ ଜରୁର୍ ଆନା, ହେଟ୍ ଷ୍ଟୋରୀ ୨ ଭଳି ଫିଲ୍ମରେ ନିଜ ସ୍ବରର ଜାଦୁ ଦେଖାଇଥିଲେ। ତାଙ୍କ ମୃତ୍ୟୁ ଖବର ପାଇ ସଙ୍ଗୀତ ଜଗତ ଓ ଅନ୍ୟ କ୍ଷେତ୍ର ସହ ଜଡ଼ିତ ବହୁ ବିଶିଷ୍ଟ ବ୍ୟକ୍ତି ବିଶେଷ ଗଭୀର ଶୋକ ବ୍ୟକ୍ତ କରିଛନ୍ତି ।
Powered by Froala Editor