ବିମାନ କ୍ରାଶ : ୨ ଝିଅଙ୍କ ସହ ହଲିଉଡ୍ ଅଭିନେତାଙ୍କ ମୃତ୍ୟୁ
ଆମେରିକାରେ ଏକ ବିମାନ ଦୁର୍ଘଟଣାରେ ହଲିଉଡ୍ ଅଭିନେତା ଖ୍ରୀଷ୍ଟିଆନ ଓଲିଭରଙ୍କ ମୃତ୍ୟୁ ଘଟିଛି। ୫୧ ବର୍ଷୀୟ ଅଲିଭରଙ୍କ ସମେତ ତାଙ୍କର ଦୁଇ ଝିଅ ୧୦ ବର୍ଷୀୟା ମାଦିତା ଏବଂ ୧୨ ବର୍ଷୀୟା ଏନିକ ଦୁର୍ଘଟଣାରେ ମତ୍ୟୁ ହୋଇଛି। ଦୁର୍ଘଟଣାରେ ବିମାନର ପାଇଲଟଙ୍କର ମଧ୍ୟ ମୃତ୍ୟୁ ହୋଇଛି।
ସୂଚନାନୁସାରେ, ଅଭିନେତା ଏକ ଛୋଟ ବ୍ୟକ୍ତିଗତ ବିମାନରେ ବସି ଉଡ଼ାଣ ଭରିବା ସମୟରେ ବିମାନଟି କେରେବିୟନ୍ ସାଗରରେ ଖସି ପଡ଼ିଥିଲା। ରୟାଲ ସେଣ୍ଟ ଭିନ୍ସେଣ୍ଟ ଆଣ୍ଡ୍ ଗ୍ରେନାଡାଇନ୍ସ ପୁଲିସ ଫୋର୍ସ ପକ୍ଷରୁ ଏକ ବିବୃତ୍ତିରେ ଏହି ଦୁର୍ଘଟଣା ଗୁରୁବାର ଘଟିଥିବା ସୂଚନା ଦିଆଯାଇଛି। ବିମାନ ଖସିବା ପରେ ଦୁର୍ଘଟଣାସ୍ଥଳରୁ ସ୍ଥାନୀୟ ମତ୍ସ୍ୟଜୀବୀ, ପୋଲିସ ଏବଂ କୋଷ୍ଟଗାର୍ଡ ସହାୟତାରେ ୪ ମୃତଦେହ ଉଦ୍ଧାର କରାଯାଇଥିଲା।
ଓଲିଭରଙ୍କ ପରିବାର ଛୁଟି କାଟିବାକୁ ବେକିଆ ଦ୍ବିୀପକୁ ଯାଇଥିଲେ । ସେଠାରୁ ସେଣ୍ଟ ଲୁସିଆ ଦ୍ବିପକୁ ଯାତ୍ରା କରୁଥିବାବେଳେ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ହଲିଉଡରେ ୬୦ରୁ ଅଧିକ ସିନେମାରେ ଅଭିନୟର କରିଛନ୍ତି କ୍ରିଷ୍ଟିଆନ ଓଲିଭର। ଜର୍ମାନୀରେ ଜନ୍ମିତ ଏହି ହଲିଉଡ୍ ଅଭିନେତା ଅନେକ ହିଟ୍ ଫିଲ୍ମ ଦେଇଛନ୍ତି ।
Powered by Froala Editor
