ପୁଣି ଅଶାନ୍ତ ମଣିପୁର, ୪ ଜଣଙ୍କୁ ଗୁଳି ମାରି ହତ୍ୟା
![ପୁଣି ଅଶାନ୍ତ ମଣିପୁର, ୪ ଜଣଙ୍କୁ ଗୁଳି ମାରି ହତ୍ୟା](https://odishanewslens.com/news_gallery/26998_1704139769.jpg)
ନୂଆବର୍ଷର ପ୍ରଥମ ଦିନରେ ମଣିପୁର ରାଜ୍ୟର ଥୋବାଲ ଜିଲ୍ଲାରେ ୪ ଜଣଙ୍କୁ ଗୁଳି କରି ହତ୍ୟା କରାଯାଇଛି। ଥୋବାଲ ଜିଲ୍ଲାରେ କେତେକ ଅଜଣା ଦୁର୍ବୃତ୍ତ ସ୍ବୟଂଚାଳିତ ବନ୍ଧୁକ ଧରି ଖେଳାଇଛନ୍ତି ଆତଙ୍କ । ସେମାନେ ବଳପୂର୍ବକ ଅର୍ଥ ଦାବି କରିବା ସହ ଗୁଳିମାଡ କରିଥିବା ସୂଚନା ମିଳିଛି । ଏହି ହିଂସାକାଣ୍ଡରେ ଅନେକ ଲୋକ ଆହତ ମଧ୍ୟ ହୋଇଛନ୍ତି ।
ମୁଖ୍ୟମନ୍ତ୍ରୀ ଏନ. ବୀରେନ ସିଂ ଘଟଣାକୁ ତୀବ୍ର ନିନ୍ଦା କରିଥିବାବେଳେ ଶାନ୍ତି ରକ୍ଷା ଲାଗି ଆହ୍ବାନ କରିଛନ୍ତି । ମୁଖ୍ୟମନ୍ତ୍ରୀ ସମସ୍ତ ମନ୍ତ୍ରୀ ଓ ଶାସକ ଦଳର ବିଧାୟକମାନଙ୍କୁ ନେଇ ଏକ ଜରୁରୀ ବୈଠକ ଡାକିଛନ୍ତି। ହିଂସା ବଢିବା ଆଶଙ୍କାରେ ଥୋବାଲ, ଇମ୍ଫାଲ ଇଷ୍ଟ, ଇମ୍ଫାଲ ଓ୍ବେଷ୍ଟ, କାକଚିଙ୍ଗ, ବିଷ୍ଣୁପୁର ଜିଲ୍ଲାରେ କର୍ଫ୍ୟୁ ଜାରି କରାଯାଇଛି ।
ମେ ୩ ପରଠାରୁ ଘଟିଚାଲିଥିବା ହିଂସାରେ ୧୮୦ରୁ ଅଧିକ ଲୋକଙ୍କ ମୃତ୍ୟୁ ଘଟିଥିବା ସହ ୬୦ ହଜାରରୁ ଅଧିକ ଲୋକ ବାସହୀନ ହୋଇଛନ୍ତି । ତେବେ କିଛିଦିନ ପୂର୍ବେ ମଣିପୁରର ଲଜ୍ଜଘଟଣା ସାରା ଦେଶରେ ଚର୍ଚ୍ଚାରେ ରହିଥିବାବେଳେ ହିଂସା ଦେଖିବାକୁ ମିଳିଥିଲା । ପୁଣି ଏଭଳି ଏକ ଘଟଣା ସାରା ଦେଶରେ ମଣିପୁରକୁ ଖବରର ଶିରୋନାମା ପାଲଟାଇ ଦେଇଛି ।
Powered by Froala Editor