ଏଲପିଜି ଉପଭୋକ୍ତାଙ୍କୁ ଆଶ୍ବସ୍ତି, ଶସ୍ତା ହେଲା କମର୍ସିଆଲ ଗ୍ୟାସ୍ ସିଲିଣ୍ଡର
![ଏଲପିଜି ଉପଭୋକ୍ତାଙ୍କୁ ଆଶ୍ବସ୍ତି, ଶସ୍ତା ହେଲା କମର୍ସିଆଲ ଗ୍ୟାସ୍ ସିଲିଣ୍ଡର](https://odishanewslens.com/news_gallery/26770_1703244800.jpg)
ନୂଆଦିଲ୍ଲୀ: ନୂଆବର୍ଷ ପୂର୍ବରୁ ଏଲପିଜି ଉପଭୋକ୍ତାଙ୍କୁ ଆଶ୍ବସ୍ତି । ଶସ୍ତା ହେଲା ଗ୍ୟାସ୍ ସିଲିଣ୍ଡର । ୧୯ କିଲୋଗ୍ରାମ ବିଶିଷ୍ଟ କମର୍ସିଆଲ ଏଲପିଜି ସିଲିଣ୍ଡର ଦାମ୍ ଆଜି ୩୯ ଟଙ୍କା ୫୦ ପଇସା ହ୍ରାସ ପାଇଛି । ତୈଳ ବିପରଣ କମ୍ପାନୀ କମର୍ସିଆଲ ଗ୍ୟାସ ସିଲିଣ୍ଡର ଦର କମାଇଛନ୍ତି । ଏହି ସଂଶୋଧିତ ଦର ଆଜିଠୁ ଦେଶରେ ଲାଗୁ ହୋଇଛି । ତେବେ ଦର କମିବା ପରେ ରାଜଧାନୀ ଦିଲ୍ଲୀରେ କମର୍ସିଆଲ ଗ୍ୟାସ ସିଲିଣ୍ଡର ଦର ୧୭୫୭ ଟଙ୍କା ୫୦ ପଇସା ହୋଇଯାଇଛି । ତେବେ ଏଥର ମଧ୍ୟ ଘରୋଇ ଗ୍ୟାସ ସିଲିଣ୍ଡର ଦାମ ଅପରିବର୍ତ୍ତିତ ରହିଛି । ଏଥିରେ କୌଣସି ସଂଶୋଧନ ହୋଇନାହିଁ ।
କମର୍ସିଆଲ ଗ୍ୟାସ୍ ଶସ୍ତା ହେବା ପରେ କୋଲକାତାରେ ଏହାର ମୂଲ୍ୟ ୧,୯୦୮ ଟଙ୍କାରୁ ୧,୮୬୮ ଟଙ୍କାକୁ ଖସି ଆସିଛି । ସେହିପରି ବାଣିଜ୍ୟ ନଗରୀ ମୁମ୍ବାଇରେ ଏହି ଗ୍ୟାସ ଦାମ ୧,୭୧୦ ଟଙ୍କା ରହିଥିବା ବେଳେ ଚେନ୍ନାଇରେ ୧,୯୨୯ ଟଙ୍କାରେ ବିକ୍ରି ହେଉଛି । ଏହାପୂର୍ବରୁ ଡିସେମ୍ବର ୧ରେ ୧୯ କେଜି କମର୍ସିଆଲ ଗ୍ୟାସ ସିଲିଣ୍ଡର ମୂଲ୍ୟ ସଂଶୋଧନ ହୋଇଥିଲା । ୨୧ ଟଙ୍କା ବୃଦ୍ଧି ପାଇଥିଲା ଏହି ଗ୍ୟାସ୍ ଦର । ସେଥର ମଧ୍ୟ ଘରୋଇ ଗ୍ୟାସ ସିଲିଣ୍ଡର ଦରରେ କୌଣସି ପ୍ରକାର ପରିବର୍ତ୍ତନ ହୋଇନଥିଲା ।
Powered by Froala Editor