ଚରିତ୍ର ସନ୍ଦେହରେ ସ୍ତ୍ରୀକୁ ହାଣିଦେଲା, କଟା ମୁଣ୍ଡ ଧରି ଥାନାକୁ ଗଲା ସ୍ୱାମୀ
ପରକୀୟା ସନ୍ଦେହରେ ସ୍ତ୍ରୀଙ୍କୁ ବୀଭତ୍ସ ହତ୍ୟା କରିଛି ସ୍ବାମୀ । ନୟାଗଡ଼ ଜିଲା ବାଣୀଗୋଚ୍ଛା ଥାନା ଅନ୍ତର୍ଗତ ବିଡ଼ାପାଜୁ ଗାଁରେ ଶନିବାର ଏ ଅଭାବନୀୟ ଘଟଣା ଘଟିଛି। ପରକୀୟା ସନ୍ଦେହରେ ସ୍ତ୍ରୀଙ୍କୁ କଟୁରିରେ ହାଣି ସ୍ବାମୀ ଅର୍ଜୁନ ବାଘ କଟାମୁଣ୍ଡ ଧରି ଥାନାରେ ଆତ୍ମସମର୍ପଣ କରିଛନ୍ତି। ଅନ୍ୟପକ୍ଷରେ ସ୍ତ୍ରୀଙ୍କ ଗଣ୍ଡି ଘରେ ପଡ଼ିଥିବା ଦେଖିବାକୁ ମିଳିଛି। ଆତ୍ମସମର୍ପଣ ପରେ ବାଣୀଗୋଛା ଥାନା ପୋଲିସ ବିଡାପାଜୁ ଗାଁକୁ ଯାଇ ଘଟଣାର ତଦନ୍ତ ଆରମ୍ଭ କରିଛି।
ବାଣୀଗୋଚ୍ଛା ଥାନା ବିଡ଼ାପାଜୁ ଗାଁର ଅର୍ଜୁନ ବାଘ ଜଣେ ଶ୍ରମିକ। ପରିବାର କହିଲେ ପତ୍ନୀ ଜୁଲୀ ଓ ଆଉ ଦୁଇ ଛୁଆ। ବେଶ୍ ହସଖୁସିରେ ଚାଲୁଥିଲା ଅର୍ଜୁନଙ୍କ ପରିବାର। ହେଲେ ସେ ଏହାରି ଭିତରେ ପତ୍ନୀଙ୍କ ଚରିତ୍ରକୁ ସନ୍ଦେହ କରୁଥିଲେ। ତାଙ୍କ ଅନୁପସ୍ଥିତିରେ ଜୁଲି ପ୍ରେମିକଙ୍କ ପାଖକୁ ଯାଉଥିବା ସନ୍ଦେହ କରୁଥିଲେ ଅର୍ଜୁନ। ଯାହାକୁ ନେଇ ଅନେକ ସମୟରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହେଉଥିଲା।
ଆଜି ଜୁଲି ବାହାରକୁ ଯାଇଥିବାବେଳେ ଅର୍ଜୁନ ତାଙ୍କୁ ଘରେ ନପାଇ ରାଗିଯାଇଥିଲା । ଜୁଲି ଫେରିବା ପରେ ଏ କଥାକୁ ନେଇ ଯୁକ୍ତିତର୍କ ହୋଇଥିଲା । ଶେଷରେ ରାଗରେ ଅର୍ଜୁନ ଜୁଲିକୁ ହାଣି ମାରି ଦେଇଥିଲା ।
Powered by Froala Editor
