ଏଚଆଇଭି ଆକ୍ରାନ୍ତ ମହିଳାଙ୍କ ଦେହରେ କରୋନାର ୩୨ଟି ମୁ୍ୟଟେସନ ଠାବ
ଜୋହାନ୍ସବର୍ଗ: ଦକ୍ଷିଣ ଆଫି୍ରକାର ଜଣେ ଏଚଆଇଭି ଆକ୍ରାନ୍ତ ମହିଳାଙ୍କ ଦେହରେ କରୋନାର ୩୨ଟି ମୁ୍ୟଟେସନ ଠାବ କରାଯାଇଛି । ଏଗୁଡ଼ିକ ଭିତରୁ କିଛି ମୁ୍ୟଟେସନ ଅତି ମାରାତ୍ମକ ବୋଲି ବିଶେଷଜ୍ଞମାନେ ମତ ଦେଇଛନ୍ତି । ରିପୋର୍ଟ ଅନୁସାରେ ୩୬ ବର୍ଷୀୟା ଉକ୍ତ ମହିଳା ଜଣକ ୨୦୦୬ ମସିହାରୁ ଏଚଆଇଭିରେ ଆକ୍ରାନ୍ତ ଅଛନ୍ତି । ଏହା ଯୋଗୁଁ ତାଙ୍କ ଦେହରେ ରୋଗ ପ୍ରତିରୋଧକ ଶକ୍ତି ଯଥେଷ୍ଟ ଦୁର୍ବଳ ହୋଇଯାଇଛି । ସେ ଗତ ବର୍ଷ ସେପ୍ଟେମ୍ବର ମାସରେ କରୋନା ଦ୍ୱାରା ସଂକ୍ରମିତ ହୋଇଥିଲେ । ସେତେବେଳେ ତାଙ୍କ ଦେହରେ ମଧ୍ୟମ ଧରଣର ଲକ୍ଷଣ ଦେଖାଗଲା । କିନ୍ତୁ ଅନେକ ଚିକିତ୍ସା ପରେ ବି ତାଙ୍କ ଦେହରୁ କରୋନା ଭାଇରସକୁ ନିପାତ କରିପାରିଲା ନାହିଁ । ଏହି ଭାଇରସ ତାଙ୍କ ଦେହରେ ୨୧୬ ଦିନ ରହିଲା । ଆଉ ତା ଭିତରେ କରୋନା ଭାଇରସ ନିଜର ଅନେକ କ୍ଷମତା ବିକଶିତ କରିଦେଲା । ତାଙ୍କ ଦେହରୁ ସଂଗୃହୀତ କରୋନା ଭାଇରସର ନମୁନାରେ ଏବେ ୩୨ଟି ମୁ୍ୟଟେସନ ଦେଖିବାକୁ ମିଳିଛି । ଗୋଟିଏ ଭାଇରସ ଯେତେବେଳେ ପରିବେଶ ସହିତ ଖାପ ଖୂଆଇବାକୁ ନିଜର କ୍ଷମତା ବିକଶିତ କଲେ ତାହାକୁ ମୁ୍ୟଟେସନ ବୋଲି କୁହାଯାଏ ।
Powered by Froala Editor
