ଟ୍ରେନ୍ ଧକ୍କାରେ ଦମ୍ପତି ମୃତ
ବୈତରଣୀରୋଡ଼୍: ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ବୈତରଣୀରୋଡ଼୍ ରେଳଷ୍ଟେସନରେ ଏକ ଦ୍ରୁତଗାମୀ ଟ୍ରେନ୍ ଧକ୍କାରେ ଦମ୍ପତିଙ୍କ ଶୋଚନୀୟ ମୃତ୍ୟୁ ହୋଇଛି। ମୃତକ ଦ୍ବୟ ହେଲେ କୋରେଇ ଥାନା ଅନ୍ତର୍ଗତ ବରୁଣ୍ଡେଇ ଗ୍ରାମର ଆଶୁତୋଷ ସିହ୍ନା(୭୩) ଓ ତାଙ୍କ ପତ୍ନୀ ଲକ୍ଷ୍ମୀ(୭୦)। ଆଶୁତୋଷ ଓ ଲକ୍ଷ୍ମୀ ବାରିପଦାରେ ରହୁଥିବା ବେଳେ ଦୁର୍ଗାପୂଜା ପାଇଁ ଆଜି ଗାଁକୁ ଆସୁଥିଲେ। ବାଲେଶ୍ୱରରୁ ଇଷ୍ଟକୋଷ୍ଟ ଏକ୍ସପ୍ରେସ ଯୋଗେ ଆସି ସନ୍ଧ୍ୟାରେ ବୈତରଣୀରୋଡ଼୍ ରେଳଷ୍ଟେସନରେ ପ୍ଲାଟଫର୍ମ ପଟେ ନ ଓହ୍ଲାଇ ଅପରପାର୍ଶ୍ବରେ ଓହ୍ଲାଇଥିଲେ।
ପ୍ଲାଟଫର୍ମ ଉପରକୁ ଚଢ଼ିବାକୁ ଚେଷ୍ଟା କରୁଥିବା ବେଳେ ଡାଉନ୍ ଲାଇନ୍ରେ ଆସୁଥିବା ମୁଜାଫରପୁର ଏକ୍ସପ୍ରେସ୍ ଉଭୟକୁ ଧକ୍କା ଦେଇଥିଲା। ଫଳରେ ସେମାନଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିଲା।
Powered by Froala Editor
